Монгол Улсын Хууль зүй, дотоод хэргийн яам, Оросын Холбооны Улсын Дотоод хэргийн яам хоорондын хамтын ажиллагааны хэлэлцээрийн хүрээнд Цагдаа, дотоодын цэргийн байгууллагын захиалгаар 2025-2026 оны хичээлийн жилд Оросын Холбооны Улсын Дотоод хэргийн яамны харьяа их, дээд сургуулийн магистрантур, адьюнктур, бакалаврт элсүүлэн суралцуулах сонгон шалгаруулалтыг  зарлаж байна.

Элсэгчдэд тавигдах нийтлэг шаардлага:

• Орос хэлний мэдлэгтэй;
• Бие бялдрын болон сэтгэцийн эрүүл мэндийн зохих шалгуурыг хангасан байх;
• Ял шийтгэлгүй;
• 17-25 хүртэл насны.

Бакалаврт /бэлтгэл/ тавигдах шаардлага:

1. Алба хаагчдад тавигдах тусгай шаардлага:

  -Захиалагч байгууллагад 3-аас доошгүй жил А, В буюу түүнтэй тэнцэх үнэлгээтэй  

   ажилласан байх;

  - Албаны сахилга, ёс зүйн зөрчил дутагдал гаргаж байгаагүй байх.

   - Алба хаагч 27 хүртэл настай;  

2. Иргэдэд тавигдах тусгай шаардлага:

- Бүрэн дунд боловсролтой, ерөнхий боловсролын сургуулийг А, В үнэлгээтэй суралцаж төгссөн, төгсөж байгаа эсхүл магадлан итгэмжлэгдсэн их, дээд  сургуулийн 1-2  дугаар дамжаанд 3.4-өөс дээш голч дүнтэй суралцаж байгаа;

 Магистрантурт тавигдах шаардлага:

• Бакалаврын боловсролтой, захиалагч байгууллагад мэргэжлээрээ тасаг, хэлтсийн дарга, түүнээс дээш зэрэглэлийн удирдах албан тушаалд 3аас доошгүй жил үр бүтээлтэй ажиллаж байгаа;
• Орос хэлний дундаас дээш түвшний мэдлэгтэй;
• Эрүүл мэндийн хувьд архаг өвчин, сэтгэцийн эмгэггүй;
• Албаны сахилга, ёс зүйн зөрчил дутагдал гаргаж байгаагүй байх.

Адъюнкурт тавигдах шаардлага:

• Магистрын боловсролтой, мэргэжлээрээ захиалагч байгууллагад 3аас доошгүй жил үр бүтээлтэй ажиллаж байгаа;
• Зэрэг горилох чиглэлээр судалгаа, шинжилгээний ажил хийж, бүтээлээ мэргэжлийн сэтгүүлд эсхүл ном товхимол болгон нийтлүүлсэн;
• Элсэгчийн судалгаа, шинжилгээний ажлын сэдэв, агуулга нь харьяа байгууллагын зорилго, зорилтыг хэрэгжүүлэхтэй холбогдсон;
• Орос хэлний дундаас дээш түвшний мэдлэгтэй;
• Эрүүл мэндийн хувьд архаг өвчин, сэтгэцийн эмгэггүй;
• Албаны сахилга, ёс зүйн зөрчил дутагдал гаргаж байгаагүй байх.

Бүрдүүлэх материал:

• Иргэний үнэмлэх нотариатаар баталгаажуулсан хуулбар;
• Боловсролын гэрчилгээ, диплом эх хувиараа болон нотариатаар баталгаажуулсан хуулбар;
• Албан хаагчид ажлын газрын тодорхойлолт;
• Иргэний ял шийтгэлтэй эсэх талаар лавлагаа;
• Одоо суралцаж буй оюутан бол сургуулийн тодорхойлолт, сургалтын голч дүнгийн хуулбар;
• Төрийн албан хаагчийн анкет;
• 3*4 хэмжээтэй цээж зураг 4 хувь;
• Гадаад паспортын хуулбар;
• Бүртгэлийн хураамж 80.000 /бэлэн/ төгрөг.

Бүртгэл:

 Бакалаврын хөтөлбөрт бүртгүүлэх алба хаагч, иргэд 2025 оны 04 дүгээр сарын 21-ний өдрөөс мөн оны 05 дугаар сарын 15-ны өдрийн 17.00 цаг хүртэлх хугацаанд өөрийн харьяалах оршин суугаа нутаг дэвсгэрийн цагдаагийн газар, хэлтэст бүртгүүлнэ. /Лавлах утас: 7019-1065/.

Жич: Бүртгүүлэгч нь мэргэжлийн чиглэлийг сонгон бүртгүүлэх бөгөөд бүртгүүлснээс хойш мэргэжлийн чиглэлийг солих, өөрчлөх боломжгүй.

Урьдчилсан байдлаар бакалаврын хөтөлбөрт Сэтгэл судлал, Мэдээллийн технологи, аюулгүй байдал, Эдийн засгийн аюулгүй байдал, Үндэсний аюулгүй байдал мэргэжлийн чиглэл ирүүлсэн.

ЦАГДААГИЙН ЕРӨНХИЙ ГАЗАР