Хууль зүй, дотоод хэргийн сайдын санаачилгаар зохистой биеийн харьцааг хэвшүүлье уриатай “Эрүүл бие-Эрч хүч” аяныг эхлүүлээд байна.

Тус аян нь цагдаа, дотоодын цэргийн алба хаагчдад эрүүл мэндийн боловсрол олгох, хөдөлгөөний хомсдолоос сэргийлэх, бие бялдраа хөгжүүлэх нөхцөлийг бүрдүүлэх зорилготой юм.

Ийнхүү Улаанбаатар цагдаагийн хүрээний цагдаа, дотоодын цэргийн байгууллагын нийт 300 гаруй алба хаагч өнөөдөр /2025.04.22/ Үндэсний цэцэрлэгт хүрээлэнд тойрог замын гүйлт, 16 тоот дасгал, гар дээр суниалт зэргийг хийж энэхүү аяны нээлтийг хийлээ.

“Эрүүл бие-Эрч хүч” аяны хүрээнд 21 аймаг орон нутагт мөн үргэлжилж байна.