Гэмт хэргээс урьдчилан сэргийлэх ажлыг зохицуулах зөвлөлийн Ажлын алба, Нийслэлийн цагдаагийн удирдах газраас хамтран хөрөнгийн зах зээл, санхүүгийн залилан болон хүрээлэн буй орчны гэмт хэргээс урьдчилан сэргийлэх мэдлэг олгох  зорилгоор “Удирдах албан тушаалтныг чадавхжуулах” сургалт өнөөдөр /2025.04.16/ зохион байгуулагдав.

Сургалтад Гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл, Нийслэлийн цагдаагийн удирдах газрын дарга, цагдаагийн хурандаа Э.Товуудорж, Санхүүгийн зохицуулах хорооны дэргэдэх Хяналтын зөвлөлийн дарга М.Буяндэлгэр, дүүргийн иргэдийн Төлөөлөгчдийн Хурлын дарга, төлөөлөгчид болон Монголын хөрөнгийн бирж, Монголын Үнэт цаасны арилжаа эрхлэгчдийн холбоо, Нийслэлийн бодлогын судалгаа, шинжилгээний төвийн төлөөлөл, сургагч багш нар, дүүргийн цагдаагийн газар, хэлтсийн дарга нарын нийт 40 албан тушаалтан оролцлоо.

Энэхүү сургалтаар төрийн байгууллагуудын уялдаа холбоог сайжруулах, иргэдийг санхүүгийн мэдлэг, мэдээллээр хангах, залилах гэмт хэргийн шинжтэй үйлдлийг таних мэдлэг олгох, хөрөнгийн зах зээлийн зохицуулалтыг боловсронгуй болгож, хууль эрх зүйн орчныг сайжруулах, төр-хувийн хэвшлийн хамтын ажиллагааг бэхжүүлж, мэдээлэл солилцооны үр нөлөөг нэмэгдүүлэх чухал ач холбогдолтой юм.