Цагдаа, дотоодын цэргийн байгууллагын чиг үүргийн давхардлыг арилгах, алба хаагчдын ажлын ачааллыг тэнцвэржүүлж, бүтээмжийг дээшлүүлэх зорилгоор үйл ажиллагаандаа нэвтрүүлэх “Процессын дахин инженерчлэл”-ийн сургагч багш бэлтгэх сургалтыг энэ оны 03 дугаар сарын 31-ний өдрөөс 04 дүгээр сарын 04-ний өдрийг хүртэл зохион байгууллаа.

Сургалтыг процесс менежментийн үндэс, зураглал шинжилгээ, бүтээмжийн менежментийн тогтолцоо, сигма аргачлал зэрэг сэдвийн хүрээнд “Эрдэнэт үйлдвэр” ТӨҮГ-ын  мэргэшсэн багш нар удирдан явуулсан юм.

Уг сургалтад хоёр ээлжээр 45 алба хаагч хамрагдаж, амжилттай төгсөн сургагч багшийн “Гэрчилгээ”-гээ гардан авлаа.