Цагдаа, дотоодын цэргийн байгууллагын ахлагч албан тушаал, мэргэжлийн тусгай мэдлэг, мэргэшил /эрүүл мэнд, санхүүгийн мэргэжилтэн, цахилгаанчин, радио холбоо, мэдээлэл технологийн инженер, сэтгэл зүйч, тогооч гэх мэт/ шаардсан офицер албан тушаалын сул орон тоог нөхөх, нөөц бүрдүүлэх зорилгоор

-Бүрэн дунд болон түүнээс дээш боловсролтой иргэдийг ахлагч албан тушаалын сул орон тоонд,

-Мэргэжлийн тусгай мэдлэг, мэргэшил /эрүүл мэнд, санхүүгийн мэргэжилтэн, цахилгаанчин, радио холбоо, мэдээлэл технологийн инженер, сэтгэл зүйч, тогооч гэх мэт/-тэй иргэдийг офицер албан тушаалын сул орон тооны тусгай шалгалтад өрсөлдөхийг урьж байна.

Цагдаа, дотоодын цэргийн анги, байгууллагад шалгалтад оролцох иргэний хүсэлт, холбогдох баримт бичгийг 2025 оны 04 дүгээр сарын 01-ний өдрөөс 04 дүгээр сарын 15-ны өдрийн 17:00 цаг хүртэл сул орон тоо зарласан байгууллага дээр хүлээн авна.

Сул орон тоо, тавигдах шаардлагыг энд дарж үзнэ үү.

Та Цагдаа, дотоодын цэргийн байгууллагад ажилласнаар доорх Цалин хөлс, нийгмийн баталгаагаар хангагдана. Энд дарж үзнэ үү.

Энд дарж https://tally.so/r/mVbXaM цахимаар бүртгүүлнэ үү.

Шаардлагатай тохиолдолд холбогдох Цагдаа, дотоодын цэргийн байгууллагын ажилтны утасны дугаар, цахим хаягийг энд дарж үзнэ үү.

Албан тушаал дээр дурдагдсан ерөнхий болон тусгай шаардлагыг хангаж байгаа бол цагдаа, дотоодын цэргийн байгууллагад ажиллахыг хүссэн иргэд бүртгэл, судалгаанд хамрагдана. Үүнд:

Бүрдүүлэх баримт бичиг:

• Өргөдөл /татаж авч бөглөөд .pdf/
• Биеийн байцаалт (Төрийн албаны зөвлөлийн 2022 оны 600 дугаар тогтоолын 1-4 дүгээр хавсралтаар баталсан “Төрийн албан хаагчийн анкет”-ын дагуу бүрэн бичсэн байх);
• Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах; /.pdf/
• Сурагчийн хувийн хэрэг; /.pdf/
• Иргэний үнэмлэх; /.pdf/
• 3 үеийн намтар/.pdf/;
• Оршин суугаа хаягийн тодорхойлолт/.pdf/;
• Цэргийн үүрэгтний үнэмлэх /.pdf/
• Урьд нь ажил, хөдөлмөр эрхэлж байсныг гэрчлэх баримт /нийгмийн даатгалын дэвтэр, хөдөлмөрийн дэвтэр/-ийн эх хувь; албанаас чөлөөлөгдсөн бол тушаалын хувь; архивын лавлагаа/.pdf/,
• "3 х 4” хэмжээний цээж зураг;    

         Тайлбар:

- Дээр дурдсан баримт бичгийг заавал нотариатаар баталгаажуулсан байхыг шаардахгүй бөгөөд баримт бичгийн үнэн зөвийг хүсэлт гаргасан иргэн өөрөө хариуцна.

- Хэрвээ ерөнхий болон тусгай шаардлагыг хангахгүйгээ нуун дарагдуулсан, хуурамч, дутуу баримт бичиг бүрдүүлснээс үүдэн гарах хохирол, хариуцлагыг буруутай этгээд өөрөө хүлээнэ.

- Баримт бичгийн эх хувийг хуулбарлан зохих шаардлагад нийцүүлэн өөрийн биеэр оршин суугаа газрынхаа цагдаа, дотоодын цэргийн байгууллагад хандан бүртгэл, судалгаанд хамрагдана.

-Цахимаар бүртгүүлэх бол дээрх бүрдүүлбэрийн дэс дарааллын дагуу файлуудаа нэгтгэн (pdf, rar, zip) 1 файл болгон https://tally.so/r/mVbXaM ирүүлнэ.

- Төрийн албан хаагчийн анкет, шалгалтад бүртгүүлэх тухай хүсэлт, 3 үеийн намтарт өөрийн гарын үсгээ зурсан байна.

- Шалгалт зохион байгуулах комисс шаардлагатай гэж үзвэл нэмэлт материал шаардах эрхтэй болохыг анхаарна уу.

Дэлгэрэнгүй мэдээлэл авах:

Цагдаагийн ерөнхий газрын Захиргааны удирдлагын газрын Хүний нөөцийн хэлтсийн ахлах мэргэжилтэн, цагдаагийн хошууч Г.Удвалцэцэг

Хаяг, утасны дугаар:

Монгол улс, Улаанбаатар хот, Чингэлтэй дүүрэг, 4-р хороо, Самбуугийн гудамж-18, утас:77191095

ТӨРИЙН АЛБАНЫ ЗӨВЛӨЛИЙН ЦАГДААГИЙН

ЕРӨНХИЙ ГАЗРЫН ДЭРГЭДЭХ САЛБАР ЗӨВЛӨЛ