Аймгийн хэмжээнд сар шинийн баяр, амралтын  өдрүүдэд гэмт хэрэг, зөрчлийн 48 дуудлага, мэдээлэл бүртгэгдснээс гэмт хэргийн шинжтэй 12, зөрчлийн шинжтэй 36 гомдол мэдээлэл байна.

Гэмт хэргийн шинжтэй дуудлага, мэдээллийг төрлөөр нь авч үзвэл:

Өмчлөх эрхийн эсрэг, хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг тус бүр 4, Хүний эрүүл мэндийн халдашгүй байдлын эсрэг гэмт хэрэг 2, Хүний амьд явахын эсрэг, Хүрээлэн буй орчны  эсрэг гэмт хэрэг тус бүр 1 бүртгэгдсэн.

Зөрчлийн шинжтэй гомдол, мэдээллийг төрлөөр нь авч үзвэл:  Олон нийтийн газар биеэ зүй бусаар авч явах 17, гэр бүлийн хүчирхийлэлтэй тэмцэх тухай хууль зөрчих 12, танхайрах, хүний биед халдах тус бүр 4,  бусад зөрчил 3 бүртгэгдсэн. Харин замын  хөдөлгөөний аюулгүй байдлын тухай хууль, дүрэм зөрчсөн  611 зөрчлийг илрүүлж, учирч болох эрсдэлээс урьдчилан сэргийлж, мэдээлэл, нөлөөллийн ажлуудыг зохион байгуулав.