Аймгийн Засаг даргын Тамгын газрын Нийгмийн бодлогын хэлтэс, Хүүхэд, гэр бүлийн хөгжил хамгааллын газар, Насан туршийн суралцахуйн төв хамтран салбар бүрийн төлөөлөл бүхий 180 орчим эрэгтэйчүүдийг хамруулсан “Эрүүл нийгэмд эрчүүдийн оролцоо” өдөрлөгийг хамтран зохион байгууллаа.

Энэхүү өдөрлөгөөр эрчүүд өөрсдийнхөө үнэ цэнийг ойлгож, гэр бүл, нийгэм дэх байр сууриа ухамсарлах, өөртөө итгэх итгэлийг нэмэгдүүлэх, тэднийг урамшуулж үнэ цэнийг нь ойлгуулах, эрүүл мэнд сэтгэл зүйн сайн сайхан байдал, гэр бүл, ажил амьдралын тэнцвэрт байдлыг хадгалах талаар мэдээлэл өгч, мэдлэг олгон, Эрчүүдийн холбоо, бүлэг, клуб зэргийг байгуулж, тэдний өмнө тулгамдаж буй асуудлыг шийдвэрлэх асуудлаар санал нэгдсэн.

Мөн Говьсүмбэр аймгийн Эрэгтэйчүүдийн холбооны тэргүүн Т.Болдбаатар урилгаар оролцож, “Монгол эр хүний амин асуудал, гэр бүлийн үнэ цэн” сэдвээр илтгэл тавьсан бол манай аймгийн “Өөрөө өөртөө туслах бүлэг”-ийн гишүүд идэвхтэй оролцож, туулсан амьдралын туршлага, санал бодлоо чөлөөтэй хуваалцан халуун дотно яриа өрнүүллээ.