Дотоод хэргийн их сургуулийн Цагдаагийн сургууль, Чингэлтэй дүүргийн цагдаагийн газар, Чингэлтэй дүүргийн гэмт хэргээс урьдчилан сэргийлэх ажлыг зохицуулах зөвлөлийн ажлын алба хамтран Чингэлтэй дүүргийн таван сургуулийн “Өсвөрийн сэргийлэгч” бүлгэмийн 9-12 дугаар ангийн 100 гаруй сурагч хүүхдүүдийг сургуулийн орчин, сургалтын үйл ажиллагаатай танилцуулах өдөрлөг зохион байгуулав.

Өдөрлөгөөр сурагчдад түүхэн замнал, музей, усан спорт сургалтын төв, цагдаагийн сургуулийн хөтөлбөр, үйл ажиллагаа зэрэг үндсэн мэдээллүүдийг танилцууллаа. Ингэснээр сурагчдад хууль, эрх зүйн мэдлэг олгох, мэргэжил сонголтод туслах зэрэгт ач холбогдолтой юм.

Энэ үеэр үндсэн сургалтад хэрэглэдэг зэвсэг, тусгай хэрэгсэл болон бусад хичээлийн хэрэглэгдэхүүнүүдтэй танилцуулан тэдгээрийг хэрэглэх арга техникийн ерөнхий мэдээллийг олголоо.