Монгол Улсад орчин цагийн Зэвсэгт хүчин үүсэж хөгжсөний 104 жил, “Монгол цэргийн өдөр”-ийг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, улсын онц чухал объектыг хамгаалах хуулиар хүлээсэн үндсэн чиг үүргээ нэр төртэйгөөр биелүүлж, идэвх зүтгэл үр бүтээл гарган ажилласан зарим алба хаагчдад өнөөдөр /2025.03.18/ цол, шагнал гардуулах ажиллагаа ёслол төгөлдөр боллоо.

Арга хэмжээнд Цагдаагийн ерөнхий газрын дарга, Дотоодын цэргийн командлагч, бригадын генерал Т.Сүхболд болон даргын зөвлөлийн гишүүд оролцов.

Энэхүү түүхэн өдрийг тохиолдуулан цагдаа, дотоодын цэргийн байгууллагын бие бүрэлдэхүүнээс Төрийн дээд шагналаар 196, Хууль зүй, дотоод хэргийн салбарын шагналаар 237, “Хурандаа” цолоор Дотоодын цэргийн 2, бусад цолоор 9 алба хаагч шагнагдсан юм.

Та бүхэнд баяр хүргэж, зорьсон үйлс, зүтгэсэн зүтгэл тань үргэлжид өөдрөг байхын ерөөл өргөн ажлын амжилт хүсье.