Швейцарын Холбооны Улсын Женев хотод энэ оны 03 дугаар сарын 10-11-ний өдрүүдэд Нэгдсэн Үндэстний Байгууллагын Хүний эрхийн хорооны 143 дугаар хуралдаан амжилттай зохион байгуулагдлаа.

Хуралдаанд Хууль зүй, дотоод хэргийн яамны Төрийн нарийн бичгийн дарга Н.Мягмараар ахлуулсан Монгол Улсын Засгийн газрын төлөөлөгчдийн бүрэлдэхүүнд цагдаагийн байгууллагыг төлөөлж Цагдаагийн ерөнхий газрын Хэрэг бүртгэх албаны дарга, цагдаагийн хурандаа Б.Оюутболд оролцлоо.

Энэ үеэр иргэний болон улс төрийн эрхийн тухай олон улсын пактын хэрэгжилтийн талаарх Монгол улсын Засгийн газрын ээлжит долоо дугаар илтгэлийг хэлэлцүүлэв.

Жил бүр Хүний эрхийн зөвлөлийн хуралтай зэрэгцүүлэн зохион байгуулдаг Хүний Эрхийн Үндэсний Байгууллагуудын Дэлхийн Холбооны ээлжит хурлаар хүний эрхийн үндэсний байгууллагууд Холбооны дотоод зохион байгуулалт, засаглалын асуудлыг хэлэлцэхээс гадна сонгон авсан хүний эрхийн асуудлаар мэдлэг, туршлага солилцдог уламжлалтай билээ.