Цагдаагийн байгууллагад иргэн, хуулийн этгээдээс ирүүлсэн дуудлага, мэдээллийг хүлээн авах, шийдвэрлэх үйл ажиллагааны процессыг үндсээр нь шинэчлэн сайжруулах, үр дүнг нэмэгдүүлэх чиглэлээр алба, төв, нэгжийн удирдах албан тушаалтан, алба хаагчдын төлөөлөл оролцсон хэлэлцүүлэг, зөвлөгөөнийг өнөөдөр /2025.02.19/ зохион байгууллаа. 

Цагдаа, дотоодын цэргийн байгууллага нь процессын дахин инженерчлэлийг нэвтрүүлэн чиг үүргийн давхардлыг арилгах, үйлчилгээний чанар, хүртээмж, бүтээмжийг нэмэгдүүлэх, шийдвэр гаргалтыг илүү оновчтой болгох, хүний нөөцийн нээлттэй ил тод, чадамжид суурилсан бодлогыг хэрэгжүүлэх, иргэдээс ирүүлсэн санал, өргөдөл, гомдол, гэмт хэрэг, зөрчлийг түргэн шуурхай шийдвэрлэх ажлыг үе шаттай хэрэгжүүлэхээр төлөвлөн ажиллаж байгаа юм.