Өвөрхангай аймгийн цагдаагийн газартай ажил, амьдралаа холбон иргэдийнхээ аюулгүй амар тайван байдлын төлөө өөрийн залуу нас, халуун сэтгэл, мэдлэг оюунаа харамгүй зориулан ажиллаж цэргийн байнгын тэтгэвэрт гарсан алба хаагчдадаа хамт олноос нь хүндэтгэл үзүүллээ.

Хүндэтгэлийн ажиллагаанд зөвлөлийн гишүүд, нийт алба хаагчид оролцож, бэлтгэл цагдаагийн дэд хурандаа Ч.Амартүвшин, цагдаагийн ахлах ахлагч Т.Баяраа нарт дурсгалын зүйлс  гардуулан өгөв. 

Хэцүү гэж шантралгүй, хүнд бэрх гэж мохолгүй, хоёргүй сэтгэлээр өргөсөн тангарагтаа үнэнчээр зүтгэж, чин шударгаар ажилласан та нартаа урт насалж, удаан жаргахыг хүсэн ерөөе.