Төрийн албан хаагчийн ёс зүйн тухай хуулийн 13 дугаар зүйлийн 2 дахь хэсэгт заасны дагуу байгууллагын алба хаагчдын олонхын дэмжлэг авсан 7 алба хаагчийг Ёс зүйн дэд хорооны гишүүнээр сонгож, цагдаагийн газрын даргын 2024 оны 11 дүгээр сарын 07-ны өдрийн А/198 дугаар тушаалаар “Ёс зүйн дэд хороо”-г байгуулсан.

Ёс зүйн дэд хороо нь Төрийн алба хаагчийн ёс зүйн тухай хуулийн 13 дугаар зүйлийн 13.3-д заасан бүрэн эрхийн хүрээнд өнгөрсөн онд 11 үйл ажиллагаанаас бүрдсэн ажлын төлөвлөгөө гарган хэрэгжүүлж, гишүүдэд хорооны үйл ажиллагаа, холбогдох журмын талаар мэдээлэл өгөх 1 төрлийн сургалт, “Төрийн алба хаагчийн ёс зүйн тухай хууль”, “Төрийн алба хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр”-ийг байгууллагын алба хаагчдад таниулах 1 төрлийн сургалт зохион байгуулсан.

Мөн Монгол Улсын Их Хурлын гишүүн, Ёс зүйн дэгийн байнгын хорооны гишүүн Х.Баасанжаргалаар ахлуулсан ажлын хэсгээс зохион байгуулсан 1 удаагийн сургалт, Цагдаа, Дотоодын цэргийн байгууллагын Ёс зүйн дэд хорооноос зохион байгуулсан 1 удаагийн сургалтад байгууллагын алба хаагчдыг оролцуулж, зөрчлөөс урьдчилан сэргийлэх мэдээллээр хангасан. 

Хорооны гишүүдийн уулзалт 2 удаа зохион байгуулж гишүүдийн хариуцах ажлын чиг үүрэг, гомдол мэдээлэл хүлээн авч шалгах дараалал, нарийн бичгийн даргын ажиллах хугацааны талаар санал асуулга авч, 3 төрлийн хуваарь гарган баталж, мөн хорооны гишүүдээс хууль, журамд заасан хориглолтоор 1 төрлийн баталгаа авч мөрдүүлсэн. 

Байгууллагын алба хаагчдын 2024 оны сахилга, ёс зүйн байдалд дүн шинжилгээ хийж, үүсэж болзошгүй эрсдэлийг тодорхойлон цагдаагийн газрын “Сахилга, ёс зүйн зөвлөгөөн”-ийг зохион байгуулж, 2025 онд сахилга, ёс зүйг дээшлүүлэх чиглэлээр тасгуудаас баримтлах зорилт, цагдаагийн газраас хэрэгжүүлэх ажлын санал асуулга авсны дагуу "Соёлыг биднээс-Хандлагыг надаас" уриатай байгууллагын соёлыг эрхэмлэж, ёс зүйтэй хамт болон болох зорилт дэвшүүлж нөлөөллийн ажил, арга хэмжээг хорооноос төлөвлөн зохион байгуулахаар шийдвэрлэсэн.

Ёс зүйн дэд хороонд Төрийн алба хаагчийн ёс зүйн тухай хуулийн 15 дугаар зүйлийн 15.1-д заасны дагуу хүлээн авсан гомдол мэдээлэл байхгүй тул цахим санд бүртгэл хөтлөх, дүгнэлт гаргах тохиолдол үүсээгүй байна.