Завхан аймгийн цагдаагийн газраас гэмт хэрэгтэй тэмцэх, олон нийтийн аюулгүй байдлыг хангах, гэмт хэрэг, зөрчлөөс урьдчилан сэргийлэх, илрүүлэх, арга тактик, мэдлэг ур чадварыг сайжруулах, холбогдох хуулийн хэрэгжилтийг хангуулах, ажлын чанар, үр дүнг нэмэгдүүлэх зорилготой “Хэсгийн төлөөлөгч нарын 2025 оны нэгдүгээр улирлын нэгдсэн цугларалт” энэ оны 01 дүгээр сарын 23-ны өдрөөс 01 дүгээр сарын 26-ны өдрийн хооронд амжилттай зохион байгууллагдлаа.

Цугларалтад хамрагдаж буй хэсгийн төлөөлөгч нарт хэлтэс, тасгийн дарга нар болон сургагч багш нар  “Хойшлуулшгүй ажиллагааны хүрээнд мөрдөн шалгах ажиллагаа явуулах, Эрүүгийн хэрэг хянан шийдвэрлэх ажиллагаанд гарч буй хүндрэл бэрхшээл, цаашид анхаарах асуудал, байгууллагын соёл, харилцаа хандлага, хувь хүний төлөвшил” сэдвүүдээр сургалт зохион байгууллаа. 

Мөн алба хаагч нарын дунд эерэг уур амьсгал бүрдүүлэх, харилцаа хандлагыг сайжруулах чиглэлээр “Зангиагүй ярилцлага” хийж,“Хөгжөөнт тэмцээн” зохион байгууллаа.”