Бүгд Найрамдах Индонез Улсын Семеранг хотноо энэ оны 01 дүгээр сарын 11-нээс 01 дүгээр сарын 26-ны өдрүүдэд зохион байгуулагдаж буй “Цагдаагийн байгууллагын эмэгтэй алба хаагчдын удирдлагын манлайллыг нэмэгдүүлэх нь-III, IV” сургалтад Монгол Улсын цагдаагийн байгууллагаас хоёр алба хаагч хамрагдаж байна.  

Сургалтаар “Манлайлал ба сэтгэл хөдлөл”, “Манлайлагчийн хувьд ажлын үр ашгийг нэмэгдүүлэх нь”, Ментор ба менти”, “Манлайлал дахь олон талт байдал ба бэрхшээл”, “Эмэгтэйчүүдийн манлайлал” зэрэг сэдвийн хүрээнд Австрали, Канад улсын мэргэжлийн багш нар удирдан явуулж байна.

Энэхүү сургалтад Тайланд, Пакистан, Вьетнам, Шри-Ланк, Камбож, Бангладеш, Фижи, Индонез зэрэг 11 улсын цагдаагийн байгууллагын 57 эмэгтэй алба хаагч хамрагдаж байна.

Сургалтад хамрагдаж буй алба хаагч нартаа амжилт хүсье.