Цагдаагийн ерөнхий газрын Тусгай ажиллагааны газрын Сургалт хариуцсан ахлах, мэргэжилтэн, цагдаагийн дэд хурандаа М.Баттүшиг энэ оны 12 дугаар сарын 29-ний өдөр Монгол Улсын Ерөнхийлөгчийн зарлигаар “Монгол Улсын гавьяат тамирчин” цол, тэмдгээр шагнагдлаа.

Цагдаагийн дэд хурандаа М.Баттүшиг нь цагдаагийн байгууллагад 24 дэх жилдээ тасралтгүй ажиллаж байгаа бөгөөд 24 жил тулааны спортоор хичээллэж байгаа Олон улсын хэмжээний мастер, Киокушин Каратегийн Хар бүс 2 дантай тамирчин юм.

Монгол Улсын гавьяат тамирчин, цагдаагийн дэд хурандаа М.Баттүшиг танд баяр хүргэж, цаашдын ажил хөдөлмөр, спортод өндөр амжилт хүсье.