Нэгдсэн Үндэсний Байгууллагын Хөгжлийн хөтөлбөрөөс хэрэгжүүлж буй “Монгол Улсад хууль сахиулах ажиллагаанд хүний эрх, жендерийн тэгш байдлыг дээшлүүлэх нь” төслийн хүрээнд “Хүний эрхийн сургагч”-ийн сургагч багшаар бэлтгэгдсэн алба хаагчид хууль сахиулах үйл ажиллагааны явцад хүний эрхийн зөрчил гаргахаас урьдчилан сэргийлэх, хүний эрхэд суурилсан хандлагатай алба хаагчдыг бэлтгэх Хүний эрх-Хууль сахиулах ажиллагаа сэдэвт сургалт зохион байгууллаа.

Сургалт хүний эрхийн үндсэн ойлголт, хүний эрх ба хууль сахиулах ажиллагаа, цагдаагийн алба хаагчийн шударга зарчимч байдал, хүний халдашгүй чөлөөтэй байдал ба цагдаагийн алба хаагчийн нийтлэг үйл ажиллагаа, хүний эрхийн хязгаарлалт ба цагдаагийн байгууллагын тодорхой үйл ажиллагаа, цагдаагийн байгууллагаас албадлага хэрэглэх үеийн хүний эрх, жагсаал, цуглаан хийх эрх чөлөө, жендерийн тэгш байдал, цагдаагийн алба хаагчийн эрх үүрэг, хүний эрх ба шалган шийдвэрлэх ажиллагаа зэрэг сэдвийн хүрээнд 2 өдрийн хөтөлбөрөөр 16 удаа зохион байгуулагдаж, алба, нэгжийн 480 алба хаагч хамрагдсан.

Дээрх сургалтад хамрагдсан алба хаагчид хууль сахиулах үйл ажиллагааны явцад хүний эрхийн зөрчил гаргахаас урьдчилан сэргийлэх, зөрчилдөөн бүхий асуудлыг шийдвэрлэх, бодит нөхцөл байдлыг үнэлэх, хариу арга хэмжээ шуурхай авах зэрэг ур чадварыг эзэмшиж, хүний эрхийн талаар мэдлэг, мэдээллээ дээшлүүлэх, цаашид гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүрэгтээ хүний эрхийг дээдэлж ажиллахыг эрхэмлэх, тусгах чухал ач холбогдолтой юм.