ЦАГДАА, ДОТООДЫН ЦЭРГИЙН БАЙГУУЛЛАГЫН ХЭМЖЭЭНД 
2024 ОНД ДОТООД АУДИТЫН ЧИГЛЭЛЭЭР ХИЙЖ
ХЭРЭГЖҮҮЛСЭН АЖЛЫН ТАЙЛАН

 2024 оны 12 дугаар сарын 03-ны өдөр                                                                                     Улаанбаатар хот

      Хэрэгжүүлсэн ажил, арга хэмжээний талаар Цагдаагийн ерөнхий газрын даргын 2023 оны А/386 дугаар тушаалаар Дотоод хяналтаюулгүй байдлын газрын бүтцэд “Хяналт шинжилгээ, үнэлгээ, дотоод аудитын тасаг” байгуулж, тасгийн дарга 1, дотоод аудит хариуцсан ахлах байцаагч 4, хяналт шинжилгээ, үнэлгээ хариуцсан ахлах байцаагч 4 орон тоотойгоор ажиллаж байна.

      Дотоод аудит хариуцсан алба хаагчид нь Цагдаа, дотоодын цэргийн байгууллага, нэгжийн үйл ажиллагаа, холбогдох хууль тогтоомж, баримт бичгийн хэрэгжилтэд нийцлийн, гүйцэтгэлийн, үйл ажиллагааны болон санхүүгийн дотоод аудит хийх чиг үүргийг хэрэгжүүлэн ажиллаж байна.

Тухайн оны “Цагдаа, дотоодын цэргийн байгууллагын дотоод аудитын төлөвлөгөө”-г боловсруулан Хууль зүй, дотоод хэргийн яаманд хүргүүлэн хянуулж, Цагдаагийн ерөнхий газрын даргаар батлуулан хэрэгжүүлж, биелэлтийг тооцлоо.

     Цагдаа, дотоодын цэргийн анги, байгууллагын үйл ажиллагаанд дотоод аудитыг хэрэгжүүлэх журмын төслийг боловсруулан Цагдаагийн ерөнхий газрын даргын 2024 оны А/262 дугаар тушаалаар Цагдаагийн байгууллагын үйл ажиллагааны “Байгууллагын үйл ажиллагаанд дотоод аудит хийх ажлыг зохион байгуулах” /код- 112/ журмыг мөрдөн ажиллаж байна.

“Цагдаа, дотоодын цэргийн байгууллагын 2024 оны дотоод аудитын төлөвлөгөө”-нд 15 ажил, арга хэмжээ тусгаж хэрэгжүүлснээр биелэлт 91.0 хувьтай байна. Төлөвлөгөөт 6 дотоод аудитыг хэрэгжүүлж, дотоод аудитад хамрагдсан 86 нэгжид 38 заалт бүхий зөвлөмжийг хүргүүлж биелэлт, үр дүнг тооцон ажиллаж байна. Үүнд;

-“Алба хаагчдын үйл ажиллагаа, үүрэг гүйцэтгэлийн үр дүн, явцыг хянан баримтжуулах энгэрийн камерын хүрэлцээ, ашиглалтын байдал”;

-“Нийслэлийн цагдаагийн удирдах газрын Эрүүлжүүлэх саатуулах төвийн барилга байгууламжийн ашиглалт, насжилтын байдал”;

- “Цагдаа, дотоодын цэргийн байгууллагын даатгалд хамрагдсан хөрөнгө болон даатгалын үр өгөөжийн байдалд”;

- “Цагдаагийн байгууллага, нэгжээс Шилэн дансны тухай хууль тогтоомжийг хэрэгжүүлж буй байдалд хяналт тавьж, хэрэгжилтийн байдал”;

- “Нийслэлийн цагдаагийн удирдах газрын харьяа газар, хэлтсийн мөрдөгч нарын ажлын ачаалал, мэргэжлийн ур чадварын байдал”;

 - Цагдаа, дотоодын цэргийн анги, байгууллагын 2023 оны хөрөнгө оруулалт, худалдан авах ажиллагаанд нийт 6 дотоод аудитыг хэрэгжүүлсэн. Цагдаагийн ерөнхий газрын даргаас өгсөн үүргийн дагуу төлөвлөгөөт бус 15 дотоод аудитыг хэрэгжүүлж, дотоод аудитад хамрагдсан давхардсан тоогоор /266/ нэгжид 129 заалт бүхий зөвлөмжийг хүргүүлж биелэлт, үр дүнг тооцон ажилласан. Үүнд:

- “Цагдаагийн төв байгууллагаас цагдаа, дотоодын цэргийн анги байгууллагад хүргүүлсэн үүрэг, ажлын чиглэл, албан бичгийн давхардалын байдал”;

- “Цагдаагийн ерөнхий газрын Бүртгэл, хяналтын төвийн үйл ажиллагааны байдал”; -“Тээврийн хэрэгсэл жолоодох эрхийн үнэмлэхийн бэлдцийн хүрэлцээ, хэрэгцээ, шаардлагын байдал”;

 - “Нийслэлийн цагдаагийн удирдах газрын Халаасны хулгайн гэмт хэрэгтэй тэмцэх хэлтсийн бүтэц, зохион байгуулалт, ажлын ачааллын байдал”;

-“Улаанбаатар цагдаагийн хүрээний анги, байгууллагуудын газар эзэмших эрхийн бүртгэлийн байдал”;

- “Өмнөговь аймгийн цагдаагийн газрын алба хаагчдын ажиллах нөхцөл, шатахууны хүрэлцээ хангамж, үйл ажиллагааны эрсдэлийн байдал” Өмнөговь аймгийн цагдаагийн газрын алба хаагчдын ажиллах нөхцөл, шатахууны хүрэлцээ хангамж, үйл ажиллагааны эрсдэлийн байдал”;

- “Иргэдээс цагдаагийн байгууллагад ирүүлж байгаа дуудлага мэдээллийн шийдвэрлэлтийн байдал”;

-“Тусгай ажиллагааны газрын албан хэрэгцээнд ашиглагдаж байгаа тээврийн хэрэгсэл, галт зэвсэг, хэрэглэл, тусгай хэрэгслийн ашиглалтын эдэлгээний хугацаа, бүрэн бүтэн байдал”,

 - “Цагдаа, дотоодын цэргийн анги, байгууллагуудын бичиг хэргийн материалын хүрэлцээ, хангалт, батлагдсан төсвийн өөрчлөлтийн санал, төсвийн зохицуулалт хийлгэсэн эсэх болон төсвийн зарцуулалтын байдал”,

- “Аймгийн төвөөс бусад суманд тасралтгүй ажиллаж байгаа цагдаагийн алба хаагчид 30 сарын үндсэн цалинтай тэнцэх хэмжээний мөнгөн урамшлыг олгох” заалтын хэрэгжилтийн байдал”;

-“Улаанбаатар цагдаагийн хүрээний анги, байгууллагуудад хөдөлмөрийн орчин нөхцөл (ариун цэврийн өрөө, цайны газар, алба хаагчдын ажлын өрөө, хамгаалах хувцас, хэрэглэл)-д

-“Цагдаагийн байгууллагын 2023 оны Санхүүгийн тайлан, төсвийн гүйцэтгэлийн тайлангийн аудитаар “Дабльголд” ХХК-тай байгуулсан гэрээтэй холбоотой өгсөн зөвлөмжийн заалтын хэрэгжилтийн байдал”;

-“Цагдаагийн байгууллагын 2023 оны Санхүүгийн тайлан, төсвийн гүйцэтгэлийн тайлангийн аудитаар “Ашид нэт” ХХК-тай байгуулсан гэрээтэй холбоотой өгсөн зөвлөмжийн заалтын хэрэгжилтийн байдал” сэдвээр нийт 13 дотоод аудитыг хэрэгжүүлсэн.

-“Цагдаа, дотоодын цэргийн байгууллагаас дотоод, гадаадын захиалгат сургалтад хамрагдаж байгаа алба хаагчдад олгож буй цалин, цолны нэмэгдэл, сонгон шалгаруулалт, гэрээний хэрэгжилтийн байдал”;

-“Цагдаа, дотоодын цэргийн анги, байгууллагын 2024 оны жилийн эцсийн байдлаар шилэн дансны тухай хуулийн хэрэгжилтийн байдал”-д дотоод аудит хийгдэж байна. Дүгнэлт Цагдаа, дотоодын цэргийн анги, байгууллагын 2024 онд дотоод аудитын төлөвлөгөөний биелэлт 91.0 хувьтай хэрэгжсэн.

         Цагдаагийн ерөнхий газрын даргаас өгсөн үүргийн дагуу 15 төлөвлөгөөт бус дотоод аудитыг хэрэгжилт бүрэн хангагдсан байна. Дотоод аудитын мөрөөр өгсөн 80 зөвлөмжийн биелэлтийг хугацаанд нь тооцоход 100 хувьтай байна. Цагдаа, дотоодын цэргийн байгууллагын 2024 онд эрсдэлийн менежментийн төлөвлөгөөний биелэлт 90.0 хувьтай хэрэгжсэн.

          Дотоод аудит хариуцсан ахлах байцаагч нараас Цагдаагийн ерөнхий газрын даргын тушаалаар 5 ажлын хэсэгт орж ажилласан ба 2 мэдээлэл шалгаж, албаны шалгалт 1 хийж, Сэлэнгэ, Өмнөговь, Хөвсгөл, Архангай 3, аймгуудад томилолтоор, Сүхбаатар дүүргийн цагдаагийн газрын төлөвлөгөөт бүрэн, Сэлэнгэ аймгийн цагдаагийн газрын гүйцэтгэлийн 1 шалгалтын ажлын хэсгийн бүрэлдэхүүнд орж орон нутаг, төвд ажилласан байна. Цагдаагийн ерөнхий газрын даргын 2024 оны А/262 дугаар тушаалаар Цагдаагийн байгууллагын үйл ажиллагааны “Байгууллагын үйл ажиллагаанд дотоод аудит хийх ажлыг зохион байгуулах” /код- 112/ журмыг шинэчлэн батлуулж, хэрэгжилтийг ханган ажилласан байна.

ДОТООД ХЯНАЛТ-АЮУЛГҮЙ БАЙДЛЫН ГАЗАР

(Дэлгэрэнгүй мэдээлэл:

Цагдаагийн ерөнхий газар Дотоод хяналт-Аюулгүй байдлын газрын Хяналт- шинжилгээ, үнэлгээ, дотоод аудитын тасгийн дарга, цагдаагийн хурандаа Н.Батзогсох,

Хаяг, утас:

Чингэлтэй дүүрэг 4 хороо, Цагдаагийн ерөнхий газар 506 тоот, утас:70191028)