Нэгдсэн Үндэстний Байгууллагын Хөгжлийн хөтөлбөрөөс “Монгол Улсад хууль сахиулах ажиллагаанд хүний эрх, жендэрийн тэгш байдлыг дээшлүүлэх нь” төслийн хүрээнд олон талт ажил, арга хэмжээг тасралтгүй зохион байгуулж байна.

Энэхүү ажлын хүрээнд “Чадамжид суурилсан хүний нөөцийг бүрдүүлэх, хөгжүүлэх” сургалтыг гурван үе шаттай зохион байгуулсан. Ийнхүү өнөөдөр /2024.11.29/ эхний үе шат болох гүйцэтгэх албан тушаалтны сургалт эхэллээ.

Сургалтын нээлтийн үйл ажиллагаанд Цагдаагийн ерөнхий газрын Хүний нөөцийн хэлтсийн дарга, цагдаагийн хурандаа А.Мөнхцэцэг, НҮБ-ын Хөгжлийн хөтөлбөрийн шинжээч Л.Бархас болон алба хаагчид оролцсон юм.

Уг сургалтад цагдаа, дотоодын цэргийн байгууллагын 50 алба хаагч хамрагдаж байна.