Тус аймагт үйл ажиллагаа явуулж буй төрийн цэргийн болон хууль сахиулах байгууллагуудтай хамтран хүүхэд залууст цэрэг, эх оронч үзлийг төлөвшүүлэх, цэргийн алба хаагч байхын мөн чанар, Цагдаагийн байгууллагын чиг үүрэг, онцлогийг сурталчлан таниулах зорилгоор “Алба сурталчлах нэг өдөр” арга хэмжээ зохион байгуулагдлаа.  

Энэхүү арга хэмжээнд Зэвсэгт хүчний 256 дугаар анги, Зэвсэгт хүчний агаарын цэргийн 113 дугаар тусгай рот, Өвөрхангай аймгийн Онцгой байдлын газар, Шүүхийн шийдвэр гүйцэтгэх газар оролцож, Арвайхээр сумын ерөнхий боловсролын сургуулиудын 11, 12 дугаар ангийн 80 гаруй сурагчдад хууль эрх зүйн болон мэргэжил сонголттой холбоотой зөвлөгөө, мэдээлэл өглөө.