Монгол Улсад санхүүгийн байгууллага үүсэн байгуулагдсаны 113 жилийн ой,  “Бүртгэл, санхүү эдийн засгийн ажилтны өдөр”, Санхүү, ар талын албаны түүхт 85 жилийн ойг тохиолдуулан "Цагдаа, дотоодын цэргийн анги, байгууллагын санхүү, бүртгэлийн ажилтнуудын мэргэжлийн мэдлэг, ур чадварыг дээшлүүлэх сургалт, зөвлөгөөн"-ийг 2024 оны 11 дүгээр сарын 06-08-ны өдрүүдэд зохион байгуулж байна.

Сургалтын нээлтийн үйл ажиллагаа өнөөдөр /2024.11.06/ болж, Хууль зүй, дотоод хэргийн яамны Санхүү, хөрөнгө оруулалтын газрын дарга Д.Гантуяа болон Сангийн яам, Үндэсний аудитын газар, Төрийн өмчийн бодлого зохицуулалтын газар, Монголын мэргэшсэн нягтлан бодогчдын институт, "Санхүүгийн тооцоолох групп" ХХК-ний холбогдох мэргэжилтнүүд оролцлоо.

Уг сургалтаар Аудитын шалгалтаар нийтлэг илэрч байгаа алдаа зөрчил,  Өмч хөрөнгийн хадгалалт, хамгаалалт, өмч эзэмшлийн гэрээ, хөрөнгийн бүртгэл хөтлөлт, хууль журамд орсон нэмэлт өөрчлөлт, Төрийн албаны цалингийн нэгдсэн систем, Санхүүгийн программыг нэвтрүүлэх, цахим санг ашиглахад гарч буй хүндрэл, анхаарах асуудал сэдвээр онлайн орчинд сургалтыг явуулж байгаагаараа онцлог боллоо.

Сургалтад цагдаа, дотоодын цэргийн анги, байгууллагын санхүүгийн 117 алба хаагч хамрагдаж байна.