Цагдаа, дотоодын цэргийн 52 анги, байгууллагын давхардсан тоогоор 11.121 алба хаагч Баянзүрх дүүргийн 28 дугаар хороо “Олон Улсын Эко цэцэрлэгт хүрээлэн”, мөн дүүргийн 26 хороо “Үндэсний цэцэрлэгт хүрээлэн”, Баянгол дүүргийн 20 дугаар хороо “Баянгол цэцэрлэгт хүрээлэн”, Төв аймгийн Эрдэнэ сум дахь “Амирлан төгөл”, Хан-Уул дүүргийн 4 дүгээр хороо “Арцатын ам”, Чингэлтэй дүүргийн 16 дугаар хороо “Хийморь хайрхан”, Сонгинохайрхан дүүргийн 21 дүгээр хороо “Саалийн ам”, “Бумбатын ам” зэрэг өөрсдийн сонгосон 1009 байршилд хайлаас, улиас, агч, шар хуайс, гацуур, чацаргана, шинэс, нарс, монос, буйлс, голт бор, үхрийн нүд зэрэг 14 төрлийн 141.851 мод тарьж, 70.9 га талбайг моджуулснаар төлөвлөгөөний хэрэгжилтийг 100 хувь ханган, 21.851 модоор давуулан биелүүллээ.  

Хаврын мод тарилт Улаанбаатар цагдаагийн хүрээний 31 анги, байгууллагын 4285 алба хаагч 29.4 га талбайн 134 байршилд 58.790, 21 аймгийн цагдаагийн газар, хэлтсийн 2736 алба хаагч 14.2 га талбайн 425 байршилд 28.525, нийт 52 анги, байгууллагын 7021 алба хаагч, өөрсдийн сонгосон 559 байршилд 87.315 модыг тарьж, 43.6 га талбайг моджуулсан.

Намрын мод тарилт Улаанбаатар цагдаагийн хүрээний 21 анги, байгууллагын 1600 алба хаагч 16.4 га талбайн 85 байршилд 32.772, 21 аймгийн цагдаагийн газар, хэлтсийн 2500 алба хаагч 10.9 га талбайн 365 байршилд 21.764 нийт 41 анги, байгууллагын 4100 алба хаагч, өөрсдийн сонгосон 450 байршилд 54.536 модыг тарьж, 27.3 га талбайг моджуулжээ.