Явган зорчигчдын зам тээврийн осолд өртөж амь нас, эд хөрөнгө хохирохоос урьдчилан сэргийлэх, явганаар замын хөдөлгөөнд оролцогдчын буруу дадал хандлагыг өөрчлөх, зөв үйлдэлд уриалах, эцэг эх, асран хамгаалагчийн эрх зүйн мэдлэгийг дээшлүүлэх, сурталчлан таниулах, хэвийн аюулгүй зорчих нөхцлийг бүрдүүлэх чиглэлээр зохион байгуулагдаж буй “Ногоон гэрэл Цагаан шугам 2024” нэгдсэн арга хэмжээний нээлтийн үйл ажиллагааг энэ оны 10 дугаар сарын 28-ны өдөр амжилттай зохион байгууллаа.

Энэхүү нээлтийн үйл ажиллагаанд Аймгийн Иргэдийн төлөөлөгчдийн хурлын дарга Б.Санжсүрэн, цагдаагийн газрын дарга, цагдаагийн хурандаа Н.Отгонжаргал болон төрийн болон төрийн бус байгууллагын төлөөллүүд оролцлоо.

Мөн тус цагдаагийн газраас “Улсын хэмжээнд энэ оны эхний 9 сарын байдлаар хүүхэд өртөж, хохирсон зам тээврийн осол”-ын талаар тоон мэдээлэл хийж, тус арга хэмжээний удирдамж төлөвлөгөөг танилцууллаа.