Нийтийн хэв журам хамгаалах, олон нийтийн аюулгүй байдлыг хангах албаны удирдлага, хамт олон залуу нас, халуун сэтгэлээ цагдаагийн албанд зориулан ажиллаж байгаад цэргийн алба хаасны тэтгэвэрт гарсан ахмад ажилтнуудаа хүлээн авч, хүндэтгэл үзүүллээ.

Хүндэтгэлийн үйл ажиллагааны үеэр тус албанаас энэ онд хийж хэрэгжүүлсэн онцлох ажлын тойм мэдээллийн видео танилцуулгыг хүргэж, ахмад ажилтнуудын фото зургаар цоморлиг болгон хүртээл болгосон нь тэдний дурсамжийг сэргээсэн онцлох үйл явдал байлаа.

Мөн ХЗДХЯ-ны “Хүндэт жуух бичиг”-ээр 1, ЦЕГ-ын “Монгол цагдаа” медалиар 8, тус албаны “Баярын бичиг”-ээр 5, цагдаагийн байгууллагын Ахмадын холбооны 50 жилийн ойн “Хүндэтгэлийн тэмдэг”-ээр 1, мөн албаны Ахмадын зөвлөлийн талархал, дурсгалын зүйлээр 1, Шүүхийн ерөнхий зөвлөлийн “Хүндэт жуух бичиг”-ээр 3, Улсын бүртгэлийн ерөнхий газрын “Хүндэт жуух бичиг”-ээр 5, Монголбанкны 100 жилийн ойн дурсгалын зүйлээр 2, нийт 25 ахмад ажилтан шагнагдсан.

Түүнчлэн 80-аас дээш насны 11 ахмадад хүндэтгэл үзүүлж, мөнгөн урамшуулал олгосон.

Тус албаны “Ахмадын зөвлөл”-өөс 1 ахмад ажилтанд 1.000.000 төгрөгийг гардуулан өгч, цаашид уламжлал болгон олгохоо илэрхийллээ.

Хүрэлцэн ирсэн ахмадуудын дунд азын сугалаа явуулж 10 азтаныг тодруулсан юм.