Цагдаагийн байгууллагаас Монгол Улсад цэргийн дээд генерал цол олгож эхэлсний 81 жилийн ойг тохиолдуулан төрийн цэргийн болон хууль сахиулах байгууллагуудын дунд “Бидний цол-Миний бахархал” шүлэг, яруу найргийн уралдааныг зохион байгууллаа.

Уралдаан өнөөдөр /2024.09.25/ Цагдаагийн ерөнхий газрын “Сүлд” чуулгын концертын их танхимд амжилттай зохион байгуулагдаж, Цагдаагийн ерөнхий газрын Тэргүүн дэд дарга, бригадын генерал Ц.Ням-Очир нээж үг хэлсэн юм.

Энэхүү шүлэг, яруу найргийн уралдаанд төрийн цэргийн болон хууль сахиулах байгууллагын 380 гаруй алба хаагчид уран бүтээлээ ирүүлснээр 1, 2 дугаар шатнаас шалгарсан шилдэг 15 бүтээлийг ийнхүү тайзнаа амилууллаа.

“Бидний цол-Миний бахархал” шүлэг, яруу найргийн уралдааны “Тэргүүн байр”-т Хил хамгаалах ерөнхий газрын Хэвлэл мэдээлэл, олон нийттэй харилцах албаны дарга, хурандаа Г.Чинзориг, “Дэд байр”-т Төв аймгийн цагдаагийн газрын хэв журмын ажил хариуцсан ахлах байцаагч, цагдаагийн ахлах дэслэгч М.Төгсбаяр, “Гутгаар байр”-т Зэвсэгт хүчний жанжин штабын бэлтгэл дэд хурандаа П.Бат-Найрамдал, “Тусгай байр”-т Дотоодын цэргийн 834 дүгээр тусгай салбарын хамгаалалтын ажилтан, дэд ахлагч Т.Улсболд, Шүүх шинжилгээний ерөнхий газрын лабораторийн шинжээч, цагдаагийн дэслэгч Б.Жаргалдэлгэр нар тус тус шалгарлаа.

Та бүхэнд баяр хүргэж, цаашдын ажилд нь амжилт хүсье.