Монгол Улсын Их Хурлын Хууль зүйн байнгын хороо, Эрүү шүүлтээс урьдчилан сэргийлэх үндэсний ажиллагаа, “Эрүү шүүлтээс урьдчилан сэргийлэх нийгэмлэг” Олон улсын байгууллагатай хамтран Монгол Улсын хууль сахиулах байгууллагын алба хаагчдыг чадавхжуулах зорилгоор “Мөрдөн шалгах, мэдээлэл цуглуулах ажиллагаанд үр дүнтэй ярилцлага хийх Мендезийн зарчмуудыг Монгол Улсын хууль сахиулах ажиллагааны хэрэглээнд нутагшуулах нь” сэдэвт сургалтыг өнөөдөр /2024.09.11/ зохион байгуулж байна.

Энэхүү сургалтыг УИХ-ын гишүүн, Хууль зүйн байнгын хорооны дарга Д.Цогтбаатар, Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн болон "Эрүү шүүлтээс урьдчилан сэргийлэх" Олон улсын нийгэмлэгийн /APT/ Хяналт шинжилгээний ахлах зөвлөх Бен Бакланд нар удирдан явуулж байна.

Сургалтад цагдаа, дотоодын цэргийн байгууллагаас танхимаар 38, цахимаар 41 байршлаас 1200 гаруй алба хаагч хамрагдаж байна.

“Мендезийн зарчим” нь Эрүү шүүлтээс ангид, хүнлэг бус хэрцгий байдлаас хараат байж түүнээс урьдчилан сэргийлэх, хууль сахиулах, мөрдөн шалгах байгууллагад хэрэгжүүлэх замаар хүний эрхийг хамгаалах тогтолцоог боловсронгуй болгох тухай үндсэн агуулгатай юм.