“Тэгш хүртээмж” нөлөөллийн арга хэмжээг зохион байгууллаа
![](/resource/policenew/image/2024/08/08/81xmw702czz31lqx/viber_image_2024-08-08_12-30-43-412.jpg)
Монгол Улсын Хууль зүй, Дотоод хэргийн яамны дэргэдэх Хөгжлийн бэрхшээлтэй хүний эрхийг хангах Дэд зөвлөлийн 2024 оны төлөвлөгөөний хэрэгжилтийг хангах, алба хаагч, ажилтнуудыг хүний эрхэд суурилсан хандлага, хүний эрхийн мэдрэмжтэй болгох, хөгжлийн бэрхшээлтэй иргэдийн тэгш хүртээмжийг сайжруулах, тэднийг нийгмийн харилцаанд тэгш оролцох эрхийг хангах чиглэлээр “Тэгш хүртээмж” нөлөөллийн арга хэмжээг Мөрдөн байцаах алба, Зөрчлийн хэрэг бүртгэх алба, Хар тамхитай тэмцэх газрууд хамтран зохион байгуулж байна.
Энэхүү арга хэмжээний хүрээнд “Түгээмэл хөгжил” Төрийн бус байгууллагатай хамтран “Хөгжлийн бэрхшээл ба тэгш хүртээмж” сэдвээр онолын болон, алба хаагчдыг хөгжлийн бэрхшээлтэй иргэний дүрд тоглож орчны ээлгүй байдлыг илрүүлэх практик сургалтыг өнөөдөр /2024.08.08/ зохион байгууллаа.