Цагдаагийн байгууллагын эрх зүйн шинэчлэлийн хүрээнд хийгдэж байгаа томоохон ажлуудын нэг нь алба хаагчдын мэдлэг боловсролыг дээшлүүлэх, мэргэшүүлэх, туршлага солилцох ажил юмаа.

Энэ ажлын хүрээнд Бүгд найрамдах Турк улсын Цагдаагийн академид 2014 оны 09 дүгээр сарын 15-наас 19-ний хооронд Туркийн олон улсын хамтын ажиллагааны агентлаг /ТИКА/-аас зохион байгуулсан “Мэргэжлийн сургалтын дүгнэлт, шинжилгээ” сэдэвт сургалтанд цагдаагийн байгууллагаас арав гаруй алба хаагчид хаагч оролцлоо.

Сургалтын явцад Туркийн цагдаагийн академи, Нохойн сургалтын төв, Тусгай ажиллагааны газар, Хар тамхи, зохион байгуулалттай гэмт хэрэгтэй тэмцэх олон улсын академи/TADOC/, ЦЕГ-ын шуурхай удирдлагын штабын бүтэц, зохион байгуулалт, чиг үүрэг, үйл ажиллагаатай танилцлаа.

Туркийн цагдаагийн байгууллагын боловсон хүчнүүдийг хэрхэн бэлтгэдэг, төгсөөд ажиллаж байгаа алба хаагчдад давтан болон мэргэшүүлэх сургалтыг хэрхэн зохион байгуулдаг, сургалтын үр дүнг хэрхэн үнэлж дүгнэдэг талаар мэдээлэл өгч, харилцан санал солилцож, тэргүүн туршлагыг судласан сургалт боллоо.