Монгол Улсад “Генерал” цол олгож эхэлсний 80 жилийн ой, “Монгол генералын өдөр”-ийг тохиолдуулан Санхүү, ар талын албанаас Цагдаагийн ерөнхий газрын дарга, Дотоодын цэргийн командлагч асан, хошууч генерал, гавьяат хуульч Д.Сандаг-Очирыг урьж, зөвлөх уулзалт зохион байгууллаа. 

Уулзалт өнөөдөр /2024.04.17/ болж, 105 алба хаагч хамрагдлаа. 

Зөвлөх уулзалтад Монгол Улсын гавьяат хуульч, Хүндэт доктор, Цагдаагийн ерөнхий газрын дарга, Дотоодын цэргийн командлагч асан, хошууч генерал Д.Сандаг-Очир, Санхүү, аж ахуйн албаны дарга асан, цагдаагийн бэлтгэл хурандаа Ч.Энх-Амгалан, ЦЕГ-ын ерөнхий нягтлан бодогч бөгөөд Санхүүгийн хэлтсийн дарга асан, цагдаагийн бэлтгэл хурандаа С.Уранцэцэг, ЦЕГ-ын ахлах нягтлан бодогч, Санхүүгийн хэлтсийн дарга асан, Санхүү, ар талын албаны ахмадын хорооны дарга, цагдаагийн бэлтгэл дэд хурандаа Ц.Янсанжав, Автобаазын Ахмадын зөвлөлийн дарга, цагдаагийн бэлтгэл дэд хурандаа А.Алтанбилэг, Цагдаагийн байгууллагын анхны гавьяат тээвэрчин, цагдаагийн бэлтгэл ахлах ахлагч Ж.Нүрдэн,  тус албаны зөвлөлийн гишүүд, төвийн болон харьяа Автобааз, “Сүүж-Уул” амралт, сувилал, Хангалт, үйлчилгээний төвийн удирдлага, хамт олны төлөөлөл оролцов. 

Өөрийн ажил, амьдралын дурсамжаа хуваалцаж, үнэтэй сургааль, сургамжит үгсээ хайрлаж, харилцан ярилцсан эрхэм генерал Танд болон гэр бүлд нь аз жаргал, эрүүл энх, хамгийн сайн сайхан бүхнийг хүсэн ерөөе.

Монгол төрийн цагдаагийн сүр хүч, сүлд хийморь өнө мөнхөд ивээг.