Монгол Улсад “Генерал” цол олгож эхэлсний 80 жилийн ой, “Монгол цэргийн нэгдсэн холбоо” үүссэний 10 жилийн ойг угтаж, “Монгол генералын гэргий” клубээс “Гэр бүлийн уур амьсгал ажлын бүтээмж, амьдралын чанарт нөлөөлөх нь” сэдэвт сургалтыг зохион байгууллаа.

Сургалт өнөөдөр /2024.04.04/ “Сүлд” чуулгын танхимд болж, цагдаа, дотоодын цэргийн байгууллагын 350 алба хаагч хамрагдав.

Энэхүү сургалтаар хамт олны уур амьсгалыг сайжруулж, гэр бүлдээ халуун дулаан уур амьсгалыг бүрдүүлэхэд хувь хүний сэтгэл зүй, хандлага хэрхэн нөлөөлдөг болох, түүнийг сайжруулах чадварыг нэмэгдүүлэх арга замын сургалтыг оруулсан нь томоохон ач холбогдолтой байлаа.

Сургалтыг “Монгол генералын гэргий” клубийн удирдах зөвлөлийн гишүүн П.Эрдэнэчимэг, Б.Ичинхорлоо нар удирдан зохион байгуулж, сэтгэл зүйч Ph.D доктор А.Малайка, Д.Оюун-Номин нар сургалт оров.