Цагдаагийн төв байгууллагын харьяа алба, нэгж, нутаг дэвсгэр хариуцсан цагдаагийн газар, хэлтсийн Шуурхай удирдлагын тасгийн дарга нарын нэгдсэн сургалт, зөвлөгөөн өнөөдөр /2024.04.04/ Нийслэлийн цагдаагийн удирдах газрын хурлын танхимд боллоо.

Энэхүү сургалтаар Мэдээлэл, дүн шинжилгээ, шуурхай удирдлагын албаны удирдах албан тушаалтнуудын мэдлэг, ур чадварыг нэмэгдүүлж, чадавхжуулах зорилгоор "Байгууллагын соёл ба ажлын байрны зөөлөн ур чадвар", "Телекамерын системийг гэмт хэрэгтэй тэмцэх, урьдчилан сэргийлэх ажилд ашиглах", "Цагдаагийн байгууллагын дуудлага, мэдээлэл хүлээн авах үйл ажиллагаанд ашиглагдаж байгаа систем, программ хангамж" зэрэг сэдвүүдээр мэдлэг, оюунаа тэлж, менежментийн ухааны шинэлэг арга барилд суралцах юм.

Сургалтад 80 гаруй алба хаагч хамрагдаж байгаа бөгөөд хоёр өдрийн турш үргэлжилнэ.