Монгол Улсад “Генерал” цол олгож эхэлсний 80 жилийн ой, “Монгол генералын өдөр”-ийг угтан Цагдаа, дотоодын цэргийн Ахмадын хорооны дарга, хошууч генерал Ч.Амарболд Нийтийн хэв журам хамгаалах, олон нийтийн аюулгүй байдлыг хангах албаны алба хаагчидтай зөвлөх уулзалт хийлээ.

Энэхүү зөвлөх уулзалт нь “Хандлага дор хүндлэл оршино” уриан дор “Ахмад, дунд, залуу үеийн залгамж холбоо”-г хөгжүүлэх, туршлага хуваалцах чиглэлээр зохион байгуулагдсан юм.

Уулзалтын үеэр хошууч генерал Ч.Амарболд “Иргэн, цагдаагийн харилцаа” сэдвийн хүрээнд яриа хийж, алба хаагчидтай чөлөөт ярилцлага өрнүүлэв.

Дээрх уулзалтад танхимаар 148, цахимаар 33 байршлаас 73 нийт 221 алба хаагч амжилттай оролцлоо.