ОХУ, Турк улсад онц төгссөн алба хаагчид томилолтоо авлаа

Цагдаагийн байгууллагын эрх зүйн шинэчлэлийн хүрээнд хийгдэж байгаа томоохон ажлуудын нэг нь алба хаагчдын мэргэжил мэдлэгийг дээшлүүлэх, газар хэлтсүүдийг шинэ залуу боловсон хүчнээр хангах ажил юм.
Энэ ажлын хүрээнд ЦЕГ-ын удирдлагууд ОХУ-ын ДХЯ-ны харьяа Москва хотын их сургууль, Эрхүү хотын Дорнод Сибирийн дээд сургууль, Омск хотын Цагдаагийн академи, Орёл хотын дээд сургууль, Воронеж хотын дээд сургууль төгссөн 20-н залуусд дэслэгч цол олгож, хот хөдөөгийн газар хэлтсүүдэд эрүүгийн төлөөлөгч, мөрдөн байцаагч, хэсгийн төлөөлөгч, хэрэг бүртгэгч албан тушаалд томиллоо.

Дээрх сургуулиудыг онц төгссөн Э.Одгэрэл, Н.Сайнбаяр, Д.Тамир нарт ахлах дэслэгч цол олгож, томилогдсон алба хаагчид тангараг өргөн дурсгалын зураг татууллаа.
Олон улсын нэр хүндтэй сургуулиудад амжилттай суралцаж, эх орондоо эргэн ирээд ард иргэдийнхээ амар амгалан амьдралын төлөө ажлын гараагаа эхлэж байгаа алба хаагч нартаа ажлын амжилт хүсэн ерөөе.