Цагдаагийн байгууллагын ахмад, дунд, залуу үеийн залгамж холбоог бэхжүүлэх, цагдаагийн байгууллагын үйл ажиллагаанд дасан зохицох журмын хэрэгжилтийг хангах зорилгоор Нийслэлийн цагдаагийн удирдах газрын харьяа газар, хэлтэст шинээр томилогдон ажиллаж буй алба хаагчдыг өнөөдөр /2023.11.29/ хүлээн авч уулзалт, хэлэлцүүлэг зохион байгууллаа.

Энэхүү уулзалтад Цагдаа, дотоодын цэргийн Ахмадын хорооны дарга, хошууч генерал Ч.Амарболд, Гаалийн ерөнхий газрын дарга, бригадын генерал Р.Отгонжаргал, шилдэг тэргүүний алба хаагчдын төлөөлөл, Дотоод хэргийн их сургуулийг 2023 онд төгссөн 97 алба хаагч оролцов.

Уулзалтаар хүндэт зочид болон алба хаагчид цагдаагийн байгууллагын хөгжил, дэвшил, ажлын арга барил, тэргүүн туршлагын талаар ярилцаж санал солилцсон юм.

Та бүхний цаашдын ажил, хөдөлмөрт амжилт хүсье!