100 жил
УДИРДАХ АЛБАН ТУШААЛЫН СОНГОН ШАЛГАРУУЛАЛТАД УРЬЖ БАЙНА
УДИРДАХ АЛБАН ТУШААЛЫН
СОНГОН ШАЛГАРУУЛАЛТЫН ЗАР
2022-08-26 Улаанбаатар хот
Төрийн албаны тухай хуулийн 27 дугаар зүйлийн 27.1.1, “Төрийн албаны тусгай шалгалт өгөх болзол, журам”-ын 2.1, 2.2-т заасныг үндэслэн Мөрдөн байцаах албаны Дэд, дүн шинжилгээ, үнэлгээ, хяналт шалгалтын хэлтсийн дарга, Тээврийн цагдаагийн албаны Замын цагдаагийн газрын Зам тээврийн хяналтын хэлтсийн дарга, Нийслэлийн цагдаагийн удирдах газрын Захиргааны удирдлагын газрын дарга 3 албан тушаалд сонгон шалгаруулалтын зарыг алба хаагчдад зарлаж байна.
Сонгон шалгаруулалтыг Төрийн албаны зөвлөлийн 2019 оны 3 дугаар сарын 25-ны өдрийн 14 дүгээр тогтоолоор баталсан “Төрийн албаны тусгай шалгалт өгөх болзол, журам”-д заасны дагуу зохион байгуулж явуулна.
Нэг.Дараах болзол, шаардлагыг хангасан цагдаа, дотоодын цэргийн байгууллагад ажиллаж байгаа албан хаагч шалгалтад бүртгүүлнэ. Үүнд:
а.Мөрдөн байцаах албаны Дэд, дүн шинжилгээ, үнэлгээ, хяналт шалгалтын хэлтсийн дарга
| Боловсрол |
Магистр ба түүнээс дээш боловсролын зэрэгтэй |
| Мэргэжил |
Эрх зүйч, Төрийн удирдлага |
| Мэргэшил |
Мэргэшүүлэх багц сургалтад хамрагдаж төгссөн байх /2020, 2021, 2022 оны “Албан тушаалд шатлан дэвшүүлэх нөөц”-ийн “газар, хэлтсийн дарга”-ын нөөцөд бүртгэгдсэн ба 2022 оны нөөцөд бүртгэгдсэн бол албан тушаал шатлан дэвшүүлэх багц сургалтад хамрагдаж гэрчилгээ авсан байх/ |
| Туршлага |
Цагдаагийн байгууллагад 15-аас доошгүй жил, үүнээс хэлтсийн дарга түүнтэй адилтгах албан тушаалд 4-өөс доошгүй жил ажилласан, удирдах болон мэргэжлийн ажлын дадлага туршлагатай, улс төрийн албан тушаал эрхэлж байгаагүй байх |
| Бусад |
Сахилгын шийтгэлгүй байх |
| Мэргэшлийн зэргийн шалгалт өгч тэнцсэн байх |
|
| Албан тушаалын тодорхойлолтод заасан ур чадварын шаардлагыг хангаж байх |
б.Тээврийн цагдаагийн албаны Замын цагдаагийн газрын Зам тээврийн хяналтын хэлтсийн дарга
| Боловсрол |
Магистр ба түүнээс дээш боловсролын зэрэгтэй |
| Мэргэжил |
Авто инженер, Эрх зүй |
| Мэргэшил |
Мэргэшүүлэх багц сургалтад хамрагдаж төгссөн байх /2020, 2021, 2022 оны “Албан тушаалд шатлан дэвшүүлэх нөөц”-ийн “газар, хэлтсийн дарга”-ын нөөцөд бүртгэгдсэн ба 2022 оны нөөцөд бүртгэгдсэн бол албан тушаал шатлан дэвшүүлэх багц сургалтад хамрагдаж гэрчилгээ авсан байх/ |
| Туршлага |
Цагдаагийн байгууллагад 14-өөс доошгүй жил, үүнээс тасгийн дарга түүнтэй адилтгах албан тушаалд 4-өөс доошгүй жил ажилласан байх |
| Бусад |
Сахилгын шийтгэлгүй байх |
| Мэргэшлийн зэргийн шалгалт өгч тэнцсэн байх |
|
| Албан тушаалын тодорхойлолтод заасан ур чадварын шаардлагыг хангаж байх |
в.Нийслэлийн цагдаагийн удирдах газрын Захиргааны удирдлагын газрын дарга
| Боловсрол |
Магистр ба түүнээс дээш боловсролын зэрэгтэй |
| Мэргэжил |
Эрх зүйч |
| Мэргэшил |
Мэргэшүүлэх багц сургалтад хамрагдаж төгссөн байх /2020, 2021, 2022 оны “Албан тушаалд шатлан дэвшүүлэх нөөц”-ийн “газар, хэлтсийн дарга”-ын нөөцөд бүртгэгдсэн ба 2022 оны нөөцөд бүртгэгдсэн бол албан тушаал шатлан дэвшүүлэх багц сургалтад хамрагдаж гэрчилгээ авсан байх/ |
| Туршлага |
Цагдаагийн байгууллагад 15-аас доошгүй жил, үүнээс хэлтсийн дарга түүнтэй адилтгах албан тушаалд 4-өөс доошгүй жил ажилласан байх |
| Бусад |
Сахилгын шийтгэлгүй байх |
| Мэргэшлийн зэргийн шалгалт өгч тэнцсэн байх |
|
| Албан тушаалын тодорхойлолтод заасан ур чадварын шаардлагыг хангаж байх |
Хоёр. Сонгон шалгаруулалтад бүртгүүлэхэд бүрдүүлэх баримт бичиг
-Шалгалтад бүртгүүлэхээр бичгээр гаргасан хүсэлт; /pdf/
-Төрийн албан хаагчийн анкет; /pdf/
-Оролцогчийн танилцуулга; /pdf/
-Иргэний үнэмлэхний хуулбар; /pdf/
-Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах; /pdf/
-Мэргэшүүлэх сургалтад хамрагдсаныг гэрчлэх баримт бичиг; /pdf/
-Сүүлийн гурван жилийн төрийн албан хаагчийн үйл ажиллагааны үр дүн, мэргэшлийн түвшинг үнэлсэн илтгэх хуудас, төрийн жинхэнэ албан хаагчийн гүйцэтгэлийн төлөвлөгөөний үнэлгээ; /pdf/
-“4 х 6”-гийн хэмжээний цээж зураг; /jpeg/
Тайлбар:
-Дээр дурдсан баримт бичгийг нотариатаар баталгаажуулсан байхыг заавал шаардахгүй бөгөөд баримт бичгийн үнэн зөвийг хүсэлт гаргасан иргэн өөрөө хариуцна.
-Хэрвээ хуурамч, дутуу баримт бичиг бүрдүүлэн төрийн албаны тусгай шалгалтад бүртгүүлсэн, оролцсон, нэр дэвшсэн, албан тушаалд томилогдсон нь тогтоогдсон нөхцөлд үүнээс үүдэн гарах хариуцлагыг буруутай этгээд хүлээнэ.
-Төрийн албан хаагчийн анкет, шалгалтад бүртгүүлэх тухай хүсэлтэд өөрийн гарын үсгээ зурсан байх.
-Шалгалт зохион байгуулах комисс шаардлагатай гэж үзвэл нэмэлт материал шаардах эрхтэй болохыг анхаарна уу.
-Дээрх бүрдүүлбэрийн дэс дарааллын дагуу файлуудаа нэгтгэн (pdf, rar, zip) 1 файл болгон энэхүү зард заасан цахим шууданд ирүүлнэ үү.
Гурав. Бүртгэлийн ажиллагаа
Хүсэлт гаргагч нь зөвхөн нэг албан тушаалд бүртгүүлэхээр материалаа ирүүлэхийг анхаарна уу.
Сонгон шалгаруулалтын комисс албан тушаалын сонгон шалгаруулалтад оролцох алба хаагчийн хүсэлт, холбогдох баримт бичгийг 2022 оны 09 дүгээр сарын 9-11-ний өдөр 09:00-17:00 цагийн хооронд /Тулга.Х д/х ЦЕГ, ЗУГ, ХНХ outlooк/ хаягаар цахимаар хүлээн авна.
Бүртгүүлэхээр ирүүлсэн алба хаагчийн хүсэлт, холбогдох баримт бичгийн бүрэн болон тухайн албан тушаалд тавигдах тусгай шаардлагыг хангаж байгаа эсэхийг комисс нягтлан шалгаад бүртгэх эсэх тухай шийдвэрийг комисс хуралдаанаараа хэлэлцэн гаргах ба бүртгээгүй бол энэ тухай шалтгааныг хүсэлт гаргагчид мэдэгдэнэ.
ТӨРИЙН АЛБАНЫ ЗӨВЛӨЛИЙН
ЦАГДААГИЙН ЕРӨНХИЙ ГАЗРЫН ДЭРГЭДЭХ
САЛБАР ЗӨВЛӨЛ
Холбоо барих утас: 70191095, 70191043
