Төрийн цэргийн болон хууль сахиулах байгууллагуудын бүрэлдэхүүн Тулгар төрийн 2230, 2231, Их Монгол Улсын 815, 816, Ардын хувьсгалын 100, 101 жилийн ой, Монгол Улсын Төрийн далбааны өдөрт зориулсан Цэргийн ёслолын жагсаал өнөөдөр /2022.07.10/ Жанжин Д.Сүхбаатарын талбайд боллоо.

Монгол Улсын Төрийн далбааны өдөрт зориулсан Цэргийн ёслолын жагсаалд Батлан хамгаалах яам, Зэвсэгт хүчний Жанжин штаб, Хил хамгаалах ерөнхий газар, Онцгой байдлын ерөнхий газар, Дотоодын цэргийн штаб, Шүүхийн шийдвэр гүйцэтгэх ерөнхий газар, Төрийн тусгай хамгаалалтын газар, Тагнуулын ерөнхий газар, Цагдаагийн ерөнхий газар, Зэвсэгт хүчний Хуурай замын цэрэг, Агаарын цэрэг, Тусгай хүчний цэргийн командлал, Үндэсний батлан хамгаалахын их сургууль, Дотоод хэргийн их сургууль зэрэг 14 байгууллагын 4000 гаруй алба хаагч оролцсон юм.

Энэхүү ёслол хүндэтгэлийн жагсаалд оролцож буй Дотоодын цэргийн байнгын бүрэлдэхүүний жагсаалыг Дотоодын цэргийн штабын орлогч, Харуул хамгаалалтын хэлтсийн дарга, дэд хурандаа Б.Чинзориг, хугацаат цэргийн алба хаагчдын жагсаалыг Дотоодын цэргийн 05 дугаар ангийн Ротын захирагч, хошууч О.Ганданпилжээ, Цагдаагийн байгууллагын жагсаалыг Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Н.Лхагвасайхан, офицерын бүрэлдэхүүний жагсаалыг Эргүүл хамгаалалтын газрын дарга, цагдаагийн хурандаа Б.Энхчулуун, ахлагчийн бүрэлдэхүүний жагсаалыг Мөрдөн байцаах албаны ахлах мөрдөгч, цагдаагийн хошууч Н.Дарханбаяр, эмэгтэй алба хаагчийн жагсаалыг Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн ахлах мэргэжилтэн, цагдаагийн дэд хурандаа П.Болормаа нар командлан цагдаа, дотоодын цэргийн 520 алба хаагч амжилттай оролцлоо.

Монголын цагдаа, дотоодын цэргийн яруу алдар үүрд мандан бадраг!