Хүүхдийн эрх, аюулгүй байдлыг хангах чиглэлээр үйл ажиллагаа явуулдаг олон улсын байгууллага /International Development Law Organization/-тай хамтран ажиллах уулзалтыг зохион байгууллаа. 

Уулзалтад ЦЕГ-ын Соён гэгээрүүлэх албаны сургалтын хэлтсийн дарга, цагдаагийн хурандаа В.Отгонбаяр, Гадаад харилцаа, энхийг сахиулах ажиллагааны хэлтсийн дарга, цагдаагийн хошууч Х.Эрхэмээ, ахлах мэргэжилтэн, цагдаагийн хошууч Ц.Эрдэнэхишиг, Гэрч, хохирогчийг хамгаалах хэлтсийн дарга, цагдаагийн хурандаа Б.Буянтөр, тасгийн дарга, цагдаагийн дэд хурандаа Э.Алтангэрэл, олон улсын байгууллагыг төлөөлөн суурин төлөөлөгч Стивэн Кент /Stephen Kent/, хөтөлбөрийн менежер А.Жаргалан, зохицуулагч С.Одончимэг, мэргэжилтэн С.Агьзул нар оролцсон юм.

Арга хэмжээг талууд оролцож буй ажилтан нарыг танилцуулснаар эхлүүлж, Гэрч, хохирогчийг хамгаалах хэлтсийн дарга зочдод Монгол Улсын гэрч, хохирогчийг хамгаалах үйл ажиллагааны үүсэл, тогтолцоо, өнөөгийн нөхцөл байдал, гадаад харилцааны чиглэлээр цаашид хэрэгжүүлэх үйл ажиллагааны санал, хүсэлт зэргийг танилцууллаа.

Зочдоос манай улсад хэрэгжүүлж байгаа төсөл, түүний үр дүн, төслийн хоёрдугаар үе шатад хэрэгжүүлэх үйл ажиллагааны талаарх товч мэдээллийг өгч, талуудаас хамтран ажиллах тухай санал солилцов.