ШУЗТ-ийн 102 тусгай дугаарын утсанд  2014.08.13-ны өдрийн 05:00 цагаас  2014.08.14-ний өдрийн 05:00 цагийн хооронд иргэд, байгууллагаас нийт 4037  удаа холбогдсоноос, гэмт хэрэг, зөрчлийн 1209, зам тээврийн ослын 348, мэдээллийн дагуу шалгахад, гэмт хэргийн шинжтэй 47 үйлдэл бүртгэгдснээс 38 гэмт хэргийн шинжтэй үйлдлийг илрүүлэн  холбогдох  нэгжүүд  шалгаж  байна. Тухайлбал:

Хүний амь нас хохирсон:

СХД-13 хороонд хутгалуулсан хүн байна гэсэн мэдээллийг авч НЦГ-ын ШУЗХ-ийн алба хаагчид шалгахад: Тус хороонд оршин суух Ц /эр.22н/-г хамаатны эгч БГД-12 хороонд оршин суух Б /эм.34н/ нь хүзүүнд нь 1 удаа мэсний зүйлээр гэмтэл учруулан амь насыг нь хохироосон хэргийг СХДЦХ-3 шалгаж байна.           

 Хулгайлах:

БГД-13 хороо “Өргөө” кино театр дотор гар утсаа алдлаа” гэсэн мэдээллийг 08-р сарын 13-ны 14:00 цагт авч НЦГ-н ГХТГ-н ХГХМШХ-н алба хаагчид шалгахад: Төв аймаг Зуунмод сум 4-р багт оршин суух Ц /эм.22н/-ын “LG” гар утсыг СБД-12 хороонд оршин суух Б /эр.22н/ гэгч хулгайлсныг илрүүлэн БГДЦХ-2 шалгаж байна.

БГД-13 хороо “Өргөө” кино театр дотор гар утсаа алдлаа гэсэн мэдээллийг 08-р сарын 13-ний 21:00-д авч НЦГ-н ГХТГ-н ХГХМШХ-н алба хаагчид шалгахад: ХУД-6 хороонд оршин суух Ч /эм.26/-ийн “Ipnone-4” гар утсыг ЧД-т ршин суух Э /эм.23н/ гэгч хулгайлсныг илрүүлэн БГДЦХ-2 шалгаж байна.

БЗД-28 хороо “Улиастайн 1-р хэсэгт хулгайч орсон байна” гэсэн мэдээллийг 08-р сарын 13-ны 12:46-д авч шалгахад: Тус хороонд оршин суух Х /эр.42/-гийн гэрээс 2ш гар утас, хэтэвч зэргийг БЗД-28 хороонд Оршин суух М /эр.15/ гэгч хулгайлсныг ЦЕГ-ийн СДТ-ийн нохой хариуцсан цагдаа а/а Ц.Наранцогт албаны ”Соотон” дуудлагатай нохойг мөрдлөг хэлбэрээр ашиглаж, чиглэл тогтоон илрүүлэн БЗДЦХ-1 шалгаж байна. 

 СХД-хороо “08-р сарын 13-ны 15:20-д БГД-9 “Говь” цогцолборын урд зурагт авч явсан хүнийг БГДЦХ-1 эргүүлийн үүрэг гүйцэтгэж байсан алба хаагчид шалгахад: СХД-1 хороонд суух Б /эр.55н/ нь СХД-31 хороонд оршин суух У /эм.50н/-ийн гэрийн цоожийг эвдэн /42”/ инчийн “Samsung”  LCD зурагт  хулгайлсныг илрүүлэн СХДЦХ-3 шалгаж байна.

СБД-5 хороо “Баруун 4 замын автобусны буудал дээр автобусанд эд зүйлээ алдлаа” гэсэн мэдээллийг 08-р сарын 13-ны 11:45-д авч шалгахад: М-27-211 чиглэлийн автобусанд зорчиж явсан Украйн улсын иргэн В.М /эр.49н/-ийн гар цүнхнээс хэтэвчтэй 127,500 төгрөгийг ЧД-1 хороонд суух М /эр.24н/ хулгайлсныг илрүүлэн СБДЦХ-1 шалгаж байна.

 СБД-8 хороо “Соёмбо” дээд сургуулийн хойд талын ТҮЦ-ны цонхыг хүүдүүд хагалаад байна” гэх мэдээллийг  08-р сарын 14-ний 02:20-д авч шалгахад: СБД-11 хороонд суух Д /эр.13н/, СБД-9 хороонд суух Б /эр.13н/, СБД-6 хороонд суух Б /эр.13н/ нар тус ТҮЦ-ний цонхийг хагалан  орж 12 хуудастай дэвтэр 20ш зэргийг хулгайлан авч байсныг үйлдэл дээр нь илрүүлэн СБДЦХ-1 шалгаж байна. 

 СБД-14 хороо “Бүрэн плаза” төвийн арын нийтийн байрны гадна зогсоолоос автомашинаа хулгайд алдлаа” гэсэн мэдээллийг 08-р сарын 13-ны 05:44-д авч шалгахад: БЗД-21 хороонд оршин суудаг Э /эр.24н/-ын “Sonata-5” автомашиныг ЧД-16 хороонд суух Т  /эр.18н/ нь  согтуурсан  үедээ  хулгайлсныг илрүүлэн СБДЦХ-2 шалгаж байна.

 Танхайрах:

БЗД-26 хороо  “Үндэсний цэцэрлэгт хүрээлэн” дотор эрэгтэй хүн эмэгтэй хүнийг зодоод байна” гэсэн мэдээллийг авч шалгхад: СХД-19  хороонд суух Х /эм,30н/-г  гар дээрээс наймаа хийлээ гэж БЗД-14 хороонд суух Д /эр.41н/ нь зодож танхайрсныг таслан зогсоож БЗДЦХ-2 шалгаж байна.    

БЗД-9 хороо “БХХСАХНЭ-т хутгалуулсан хүн ирлээ” гэсэн мэдээллийг 08-р сарын 13-ны 21:10-д авч шалгахад:  БЗД-9 хороонд суух Х /эр.39н/-г  тус хороонд суух Г /эр.39н/ гэгч цээжин тус газар нь мэсний зүйлээр гэмтэл учруулан хэргийн газраас зугтаасныг нохойн төлөөлөгч а/а Х.Наранцогт, а/а Н.Давгарэгзэн нар эрэн сурвалжилж баривчилан БЗДЦХ-1 шалгаж байна.

 ЧД-4 хороо “Их өргөө” ХХК-ны баригдаж байгаа барилга дотор Хятад иргэд согтуу танхайраад  байна”  гэсэн мэдээллийг  08-р  сарын 13-ны 19:23-д авч шалгахад: БНХАУ-н 29 иргэн согтуурсан үедээ танхайрч ЦАХ-ын хууль ёсны шаардлагыг эсэргүүцсэн хэргийг ЧДЦХ-1 хэлтэс эрүүгийн хэрэг үүсгэн шалгаж байна.

 Тээврийн хэрэгслийн хөдөлгөөний аюулгүй байдал ашиглалтын журмын эсрэг гэмт хэрэг:

СХД-3 хороо Толгойтын гудамж, Чингис Соосэ их сургуулийн урд замд амины “Toyota Carina” автомашины жолооч М нь Д жолоочтой амины “Hyundai Sonata-2” автомашинтай мөргөлдөж жолооч СХД-н 24-р хороонд оршин суух Д /31н, эр/ нарын 2 хүн гэмтсэн.

Жич: Жолооч М нь согтууруулах ундааны зүйл хэрэглсэн үедээ тээврийн хэрэгсэл жолоодсон. Др:0,80%

 БЗД-1 хороо Их тойруу, Сансарын Петровис ШТС-н хойд замд амины “Volvo-S60” автомашины жолооч Б гэгч нь явган зорчигч БЗД-н 5-р хороонд оршин суух Л /23н, эр/-г мөргөж гэмтээсэн.

Жич: Жолооч Б нь согтууруулах ундааны зүйл хэрэглсэн үедээ тээврийн хэрэгсэл жолоодсон. Др:2,09%

 Орон нутагт:

Хэнтий аймаг: “Дархан сумаас зүүн хойш 13 км зайд “Гөвгийн зоо” гэдэг газар Хэрлэн сумаас Бор-Өндөр, Дархан, Баянмөнх сумдуудын “Төрийн банк”-ны зузаатгал хүргэж явсан М /эр.36н/ жолоочтой автомашинд гал гарч Бор-Өндөр сумын Төрийн банкинд аваачих байсан тавилга, цахилгаан үүсгүүр, 100 сая төгрөг шатсан байна” гэсэн мэдээллийг 08-р сарын 13-ны 07:50-д авч Хэнтий аймгийн цагдаагийн газрын алба хаагчид шалгаж байна.