Эрүүгийн цагдаагийн алба энэ оны “Үйл ажиллагааны тайлангийн хурал, сахилгын зөвлөгөөн”-өө өнөөдөр /2021.12.25/ “Конвеншн Центр”-ийн их танхимд амжилттай зохион байгууллаа.

Хуралд Цагдаагийн ерөнхий газрын Тэргүүн дэд дарга, цагдаагийн хурандаа Ц.Ням-Очир, Эрүүгийн цагдаагийн албаны дарга, цагдаагийн хурандаа Т.Сүхболд, Цагдаагийн ерөнхий газрын Төлөвлөлт, зохион байгуулалтын хэлтсийн дарга, цагдаагийн хурандаа Ц.Наранбаатар болон харьяа нэгжийн алба хаагчид танхим болон цахимаар оролцсон юм.

Энэхүү хурлаар энэ онд хийж гүйцэтгэсэн ажлын ололт амжилт, алдаа дутагдлаа дүгнэж, Эрүүгийн цагдаагийн албаны хүрэх түвшин, ажил дүгнэх шалгуур үзүүлэлтүүдийг хангаж, гэмт хэргийг мэргэжлийн өндөр ур чадвар гарган илрүүлж, өргөсөн тангарагтаа үнэнч байж, төр, ард түмнийхээ өмнө хүлээсэн үүрэг, хүний эрх, эрх чөлөөг хүндэтгэн, хуулийг чанд сахиж, идэвх санаачилга гарган ажил хөдөлмөрөөрөө бусдыгаа хошуучлан ажилласан алба хаагчдыг шалгаруулан шагнаж, урамшууллаа.

“Хөдөлмөрийн тэргүүний эрүүгийн мөрдөгч”- Баянгол дүүрэг дэх цагдаагийн газрын нэгдүгээр хэлтсийн эрүүгийн мөрдөгч, цагдаагийн дэслэгч М.Мөнхбат;

“Ажил мэргэжлийн шилдэг эрүүгийн мөрдөгч”- Эрүүгийн цагдаагийн албаны Хүнд гэмт хэрэгтэй тэмцэх хэлтсийн эрүүгийн ахлах мөрдөгч, цагдаагийн хошууч Г.Мөнхбаатар;

“Ажил мэргэжлийн шилдэг эдийн засгийн мөрдөгч”- Эрүүгийн цагдаагийн албаны Эдийн засгийн гэмт хэрэгтэй тэмцэх газрын Санхүүгийн гэмт хэрэгтэй тэмцэх хэлтсийн эрүүгийн мөрдөгч, цагдаагийн ахлах дэслэгч Ц.Анхбаяр;

“Ажил мэргэжлийн шилдэг хэсгийн төлөөлөгч”- Хэнтий аймаг дахь цагдаагийн газрын Баянхутаг сум дахь хэсгийн төлөөлөгч, цагдаагийн хошууч Д.Батсүрэн;

“Оны тэргүүний удирдах ажилтан”- Эрүүгийн цагдаагийн албаны Хүнд гэмт хэрэгтэй тэмцэх хэлтсийн дарга, цагдаагийн хурандаа Л.Баярсайхан;

“Хөдөлмөрийн тэргүүний Захиргаа хариуцсан алба хаагч”- Эрүүгийн цагдаагийн албаны Захиргааны удирдлагын хэлтсийн хүний нөөц хариуцсан чиглэлийн ахлах мэргэжилтэн, цагдаагийн дэд хурандаа А.Мөнхцэцэг;

“Ажил мэргэжлийн шилдэг Судалгаа, дүн шинжилгээний алба хаагч”- Эрүүгийн цагдаагийн албаны Кибер гэмт хэрэгтэй тэмцэх хэлтсийн эрүүгийн мөрдөгч, цагдаагийн ахлах дэслэгч С.Тэнгисболд;

“Ажил мэргэжлийн шилдэг мөрдөгч”- Эрүүгийн цагдаагийн албаны Эдийн засгийн гэмт хэрэгтэй тэмцэх газрын Мөрдөн шалгах хэлтсийн мөрдөгч, цагдаагийн ахмад Г.Мөнхбат;

“Гэмт хэргийн тухай хамгийн үнэтэй мэдээлэл авсан алба хаагч”- Дорноговь аймаг дахь цагдаагийн газрын Хатанбулаг сум дахь сум дундын цагдаагийн тасгийн эдийн засгийн мөрдөгч, цагдаагийн ахлах дэслэгч Б.Бадрахбаяр;

“Хамгийн уран нарийн аргаар гэмт хэрэг илрүүлсэн алба хаагч”- Чингэлтэй дүүрэг дэх цагдаагийн газрын нэгдүгээр хэлтсийн эрүүгийн мөрдөгч, цагдаагийн ахлах дэслэгч Н.Эрболд;

“Хамгийн эр зориг, тэсвэр, тэвчээртэй алба хаагч”- Сүхбаатар аймаг дахь цагдаагийн газрын Онгон сум дахь хэсгийн төлөөлөгч, цагдаагийн ахлах дэслэгч Ц.Цогтсайхан;

“Хамгийн сонор сэрэмжтэй алба хаагч”- Эрүүгийн цагдаагийн албаны Хулгайлах гэмт хэрэгтэй тэмцэх хэлтсийн эрүүгийн ахлах мөрдөгч, цагдаагийн ахмад Э.Мягмарсүрэн;

“Оны тэргүүний ажилтан”- Эрүүгийн цагдаагийн албаны Захиргааны удирдлагын хэлтсийн үйлчлэгч С.Тунгалаг;

“Тэргүүний хамт олон /Төв/”- Эрүүгийн цагдаагийн албаны Гүйцэтгэх ажлын дүн шинжилгээний хэлтэс;

“Тэргүүний хамт олон /Нийслэл/”- Сүхбаатар дүүрэг дэх цагдаагийн газрын нэгдүгээр хэлтсийн эрүүгийн цагдаагийн тасаг;

“Тэргүүний хамт олон /Орон нутаг/”- Хэнтий аймаг дахь цагдаагийн газрын эрүүгийн цагдаагийн тасаг;

Мөн хуулиар хүлээсэн үүргээ үнэнчээр биелүүлж, эрхэлсэн ажилдаа идэвх зүтгэл гарган ажилласан 28 алба хаагчийг Эрүүгийн цагдаагийн албаны даргын “Баярын бичиг”-ээр, 2 алба хаагчийг бусад албадын даргын шагналаар тус тус шагнаж урамшууллаа.