Нийслэлийн цагдаагийн удирдах газар нь Монгол Улсын Үндсэн хууль, Цагдаагийн албаны тухай хууль, Монгол Улсын Их хурал, Засгийн газрын тогтоол, шийдвэрийн хэрэгжилтийг хангах чиглэлээр гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүрэг, цагдаа, дотоодын цэргийн байгууллагаас 2021 онд дэвшүүлсэн зорилт, гүйцэтгэлийн төлөвлөгөөний хэрэгжилтийг хангаж, энэ оны ажлаа дүгнэн тайлагнаж, тэргүүний болон шилдэг алба хаагчдадаа шагнал гардуулах ёслолын арга хэмжээг өнөөдөр /2021.12.24/ зохион байгууллаа.

Хуралд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, Нийслэлийн Иргэдийн төлөөлөгчдийн хурлын дарга, Гэмт хэргээс урьдчилан сэргийлэх ажлыг зохицуулах салбар зөвлөлийн дарга Л.Нямгэрэл, Цагдаагийн ерөнхий газрын дэд бөгөөд Нийслэлийн цагдаагийн удирдах газрын дарга цагдаагийн хурандаа Р.Отгонжаргал, Захиргааны удирдлагын газрын дарга, цагдаагийн хурандаа П.Оростогоо, дүүрэг дэх цагдаагийн газар, хэлтсийн алба хаагчид танхим болон цахим хэлбэрээр оролцсон юм.

Энэхүү хурлаар 2021 онд Цагдаагийн ерөнхий газар, түүний харьяа албад, тус газрын хөдөлмөрийн тэргүүний болон ажил мэргэжлийн шилдгээр 48 алба хаагч, бусдыгаа хошуучлан ажилласан 2 нэгж, 29 алба хаагчдад нийт 125.6 сая төгрөгийн мөнгөн урамшуулал, шагнал гардууллаа.

Нийт алба хаагчдынхаа цаашдын ажил, хөдөлмөрт өндөрт амжилт хүсье.