Цагдаа, дотоодын цэргийн байгууллагын гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүргээ хэрэгжүүлэхэд шаардлагатай төсөв, хөрөнгийг оновчтой төсөвлөх, зориулалтын дагуу зарцуулах, алба хаагчдын ажиллах нөхцөлийг бүрдүүлэх, нийгмийн баталгааг хангах үүргээ биелүүлж, Цагдаагийн ерөнхий газраас 2021 онд дэвшүүлсэн зорилт, гүйцэтгэлийн төлөвлөгөөний хэрэгжилтийг амжилттай ханган ажилласан Санхүү, аж ахуйн алба өнөөдөр /2021.12.23/ энэ оны тайлангийн хурлаа зохион байгууллаа. 

Тайлангийн хуралд Цагдаагийн ерөнхий газрын Дэд дарга, цагдаагийн хурандаа О.Амарсанаа, Санхүү, аж ахуйн албаны дарга, цагдаагийн хурандаа П.Батбаатар болон даргын зөвлөлийн гишүүд, харьяа нэгжийн алба хаагчид цахимаар оролцоо.

Энэ үеэр шилдэг байгууллага, алба хаагч, ажилтныг шалгаруулж, шагналаа.

Санхүү, аж ахуйн албаны 2021 оны “Шилдэг байгууллага”-аар Баянхонгор аймаг дахь цагдаагийн газар;

“Шилдэг удирдах ажилтан”-аар Баянзүрх дүүрэг дэх цагдаагийн газрын Гуравдугаар хэлтсийн дарга, цагдаагийн дэд хурандаа Ц.Жаргалсайхан;

“Шилдэг инженер, техникийн ажилтан”-аар Автобаазын Техник, үйлчилгээ засварын хэлтсийн  цагдаа жолооч, засварчин, цагдаагийн ахлагч Г.Мөнхбаатар;

“Шилдэг эд хариуцагч”-аар Сүхбаатар дүүрэг дэх цагдаагийн газрын Нэгдүгээр хэлтсийн нярав, цагдаагийн дэд ахлагч Д.Болормаа;

“Шилдэг санхүү, бүртгэлийн ажилтан”-аар Цагдаа, дотоодын цэргийн сургалтын нэгдсэн төвийн ахлах нягтлан бодогч, цагдаагийн ахмад М.Мөнх-Эрдэнэ;

“Шилдэг үйлчилгээний ажилтан”-аар “Сүүж-Уул” амралт, сэргээн засах сувиллын жижүүр Н.Долгорсүрэн;

“Шилдэг жолооч”-оор Автобаазын Ашиглалтын хэлтсийн цагдаа жолооч, цагдаагийн ахлах ахлагч Э.Гантөмөр;

“Шилдэг ар талын ажилтан”-аар Хангалт, үйлчилгээний төвийн цахилгаанчин О.Хүрэлбаатар;

“Шилдэг эмч, эмнэлгийн ажилтан”-аар “Сүүж-Уул” амралт, сэргээн засах сувиллын уламжлалтын их эмч, цагдаагийн ахмад Н.Ариунтуяа нар тодорсон юм.

Мөн Монгол Улсад Хууль зүйн салбар, Санхүүгийн алба үүсэж хөгжсөний 110 жилийн ой, “Бүртгэл, санхүү, эдийн засгийн ажилтны өдөр”-ийг тохиолдуулан Сангийн яамны “Нягтлан бодох бүртгэлийн тэргүүний ажилтан” цол, тэмдгээр 4, “Банк, санхүүгийн тэргүүний ажилтан” цол, тэмдгээр 2, “Хүндэт жуух” бичгээр 9, албаны даргын “Баярын бичиг”-ээр 16, “Хүндэт тэмдэг”-ээр 2 алба хаагч, ажилтан шагнагдлаа.

Алба хаагч та бүхэндээ ажлын амжилт хүсье!