“Европын хохирогчийг дэмжих холбоо”-оос гэмт хэргийн хохирогчидтой ажилладаг мэргэжилтнүүдэд зориулсан “Хохирогчид зориулсан шударга ёс: Эрх зүйн тогтолцоог өөрчлөх нь, ирээдүйн чиг хандлага” сэдэвт олон улсын хурал 2021 оны 12 дугаар сарын 03-ны өдөр Бельгийн вант улсын Брусель хотод цахимаар зохион байгуулагдлаа.

Гадаад харилцаа, хамтын ажиллагааны хэлтсийн ахлах мэргэжилтэн, цагдаагийн хошууч Ц.Эрдэнэхишиг хурлаар хэлэлцсэн асуудлыг орчуулан алба хаагчид цахимаар холбогдон оролцож, хохирогчийг хамгаалах чиглэлээр олон улсын нөхцөл байдалтай танилцан хохирогчийг хамгаалах үйл ажиллагаа явуулдаг байгууллагуудын чиг хандлагыг тодорхойлсон ач холбогдолтой  үйл ажиллагаа боллоо.  

Гэмт хэргийн хохирогчидтой ихэвчлэн ажилладаг мэргэжилтнүүдийг нэгтгэдэг олон улсын арга хэмжээнд жил бүр 61 улсын хохирогчийг дэмжих  байгууллагуудын 100-150 гаруй оролцогчид, практик байгууллагын мэргэжилтнүүд, эрдэмтэн судлаачид, шинжээчид, төрийн албан хаагчид, эрүүгийн эрх зүйн албаны ажилтнууд оролцдогоороо энэхүү үйл ажиллагаа нь онцлог юм.