Засгийн газрын 2015 оны 346 дугаар тогтоолоор батлагдсан гэрч, хохирогчийг хамгаалах, туслалцаа үзүүлэх үндэсний хөтөлбөрийг хэрэгжүүлэх ажлын хүрээнд цагдаа, дотоодын цэргийн байгууллагаас 2021 онд хэрэгжүүлэх ажил, арга хэмжээний төлөвлөгөөний дагуу нийслэл дэх албад, нэгж, нутаг дэвсгэр хариуцсан цагдаагийн газар, хэлтсүүдийн сэтгэл зүйчдэд гэрч, хохирогчийн аюулын эрсдэлийн түвшин, сэтгэл зүйн байдлыг тодорхойлох, сэтгэл зүйн хамгаалалтын арга хэмжээг хэрэгжүүлэх талаар мэдлэг, дадлага олгох сургалтыг 2021 оны 11 дүгээр сарын 29-ний өдөр тус хэлтсийн хурлын танхимд амжилттай зохион байгууллаа.

Гэрч, хохирогчийг хамгаалах тухай хуульд заасан чиг үүргийг хэрэгжүүлэн ажиллаж буй цагдаагийн байгууллагын сэтгэл зүйчдийг чадавхижуулах, мэргэжил арга зүйгээр хангах ажлын хүрээнд  “Сэтгэл зүйн хамгаалалтын арга хэмжээг хэрэгжүүлэх тухай” гарын авлагыг тус хэлтсийн сэтгэл зүйчдийн багаас боловсруулан “Кристал пресс” хэвлэлийн компанид хэвлэлийн эхийг бэлтгүүлэн хэвлэж нийслэл дахь албад, нэгж, нутаг дэвсгэр хариуцсан цагдаагийн газар, хэлтсийн сэтгэл зүйчдэд гэрч, хохирогчийг хамгаалах үйл ажиллагааг хэрэгжүүлэхэд ашиглуулахаар өгч мэргэжил, арга зүйн туслалцаа үзүүлэн ажиллаж байна.