Цагдаа, дотоодын цэргийн анги, байгууллагын өвөлжилтийн бэлтгэл ажил, барилга байгууламжийн засварын үйл ажиллагаатай танилцах зорилгоор Цагдаагийн ерөнхий газрын Санхүү, аж ахуйн албаны дарга, цагдаагийн хурандаа П.Батбаатар болон холбогдох алба хаагчид зарим алба, нэгж, газар, хэлтэст ажиллалаа.

Тухайлбал, Улсын төсвийн 2021 оны хөрөнгө оруулалтаар хэрэгжиж буй Нийтийн хэв журам хамгаалах, Олон нийтийн аюулгүй байдлыг хангах албаны Эргүүл, хамгаалалтын газрын барилгын засварын ажил, Нийслэлийн цагдаагийн удирдах газрын Мөрдөн шалгах газрын спорт заалны засварын ажлын явц байдалтай танилцсан юм.

Мөн Цагдаагийн ерөнхий газрын Төв архивт байрлах Мэдээлэл, дүн шинжилгээ шуурхай удирдлагын албаны Статистик, мэдээллийн хэлтсийн Лавлагааны сангийн архивын сан дахь хадгаламжийн нэгжийг агуулдаг хадгалалт, хамгаалалтын засвар үйлчилгээ хийх хөрөнгө зардлыг шийдвэрлэж, засварын ажлын эхлүүлээ.