Бүгд Найрамдах Солонгос Улсын Үндэсний цагдаагийн газрын Шүүх шинжилгээний хэлтсээс жил бүр зохион байгуулдаг “Хэргийн газрын үзлэг” Олон улсын семинар энэ оны 10 дугаар сарын 20-ноос 22-ны өдрүүдэд цар тахлын нөхцөл байдлаас шалтгаалан цахимаар зохион байгуулагдаж байна.

Энэхүү семинарын хүрээнд   “Задлан шинжилгээ ба Шүүх шинжилгээний эх сурвалжид гардаг алдаанууд”, “АНУ-ын Үндэсний стандарт технологийн институтээс гаргасан шүүх шинжилгээний үндэс, стандарт, судалгаа”, “Субьектив бус дүгнэлт ба шүүх шинжилгээнд өгөгдлийг ашиглах ач холбогдол”, “Мөрдөн шалгах ажиллагаа дахь танин мэдэхүйн гажуудал, “Эх сурвалж ба боломжит шийдэл” сэдвүүдийн хүрээнд хэлэлцэж байгаа бөгөөд цагдаагийн байгууллагын чиглэл хариуцсан алба хаагчид болон Шүүх шинжилгээний үндэсний хүрээлэнгийн нийт 80 гаруй алба хаагчид цахимаар оролцож байна.

Уг семинар 10 дугаар сарын 22-ны өдөр “Шүүх шинжилгээний сэтгэл зүй”, “Шүүх эмнэлэг”, “Шүүх шинжилгээний дэлхийн чиг хандлага” сэдвүүдээр үргэлжлэх юм.