Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнийг Нийслэлийн хэмжээнд энэ оны 10 дугаар сарын 04-11-ний өдрүүдэд зохион байгуулж байна. Энэхүү үндэсний хөдөлгөөнийг Цагдаагийн ерөнхий газар дэмжин нэг сая мод тарих ажлыг эхлүүлээд байгаа. Уг ажлын хүрээнд Цагдаагийн ерөнхий газрын Мэдээлэл, дүн шинжилгээ, шуурхай удирдлагын албаны алба хаагч, ажилчид энэ оны 10 дугаар сарын 09-ны өдөр Хан-Уул дүүргийн 14 дүгээр хороо, Өлзийт хороолол, Зэвсэгт хүчний мод үржүүлгийн талбайд улиас, бургасны суулгац тус бүр 20 ширхэгийг суулгалаа.

Мод тарихад үндсийг нь суулгахаас илүү арчилж гүйцэд ургуулах нь хамгийн их хичээл зүтгэл, хүч хөдөлмөрийг шаарддаг. Нэг модонд ойролцоогоор 5 жил орчмын арчилгаа шаарддаг аж.  Тиймээс зөвхөн суулгаад орхих биш арчилгаа, усалгааг нь анхаарч тоонд бус, үр дүнд ач холбогдол өгөн ургуулахаа онцолсон юм.