• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

25 гэмт хэрэг үйлдэгджээ

2014-08-01
25 гэмт хэрэг үйлдэгджээ

Шуурхай удирдлага, зохицуулалтын төвийн 102 тусгай дугаарын утсанд 2014.07.31-ний өдрийн 05:00 цагаас 2014.08.31-ны өдрийн 05:00 цагийн хооронд иргэд, байгууллагаас нийт 4028 удаа холбогдсоноос, гэмт хэрэг зөрчлийн 1439, зам тээврийн ослын 271 дуудлагыг шалгахад, гэмт хэргийн шинжтэй 25 үйлдэл бүртгэгдсэнийг холбогдох нэгжүүд шалгаж байна. Үүнээс золгүй байдлаар амь насаа алдсан 5, хулгайн гэмт хэрэг 6, танхайн 3, тээврийн хэрэгслийн аюулгүй байдлын ашиглалтын журам зөрчсөн хэрэг 9 гарчээ. Цагдаагийн байгууллагаас үер усны аюулаас сэрэмжлүүлээд байгаа хэдий ч нэг өдөрт хоёр хүн голын усанд живж амь насаа алдсан хэрэг гарлаа. Мөн иргэдийн амралт зугаалга ихсэж архидан согтууран гэмт хэрэг үйлдэж байна. Тухайлбал СХД-29, Энхтайваны өргөн чөлөө, 5-н шарын буудлын баруун замд Nissan Sunny автомашины жолооч Н нь явган зорчигч СХД-ийн иргэн 40 настай Г-г мөргөж гэмтээсэн. Жолооч, явган зорчигч хоёулаа согтууруулах ундааны зүйл хэрэглэсэн байжээ.

Иймээс иргэдийг амралт зугаалгаа зөв боловсон өнгөрүүлж, үер усны аюулаас болгоомжилон, архи согтууруулах ундааны зүйлийг зүй зохистойгоор хэрэглэх, түүнээс болж хэрэг зөрчилд өртөхгүй байхыг Цагдаагийн байгууллагаас анхааруулж байна.