Цагдаа, дотоодын цэргийн байгууллагын ахлагч албан тушаалын сул орон тоог нөхөх, нөөц бүрдүүлэх зорилгоор эргүүл, харуул, жижүүр, хамгаалалтын цагдаа, цагдаа зохицуулагч, цагдаа-жолооч, Дотоодын цэрэгт жолооч, эргүүл, харуулын ажлын байранд хугацаат цэргийн алба хаасан, бүрэн дунд болон түүнээс дээш боловсролтой иргэдийг шалгаруулан “Цагдаа”, “Цагдаа жолооч”, Дотоодын цэргийн "Харуулчин” мэргэжил олгох сургалтад суралцуулж ажлын байраар хангах ажлыг зохион байгуулах гэж байна.

Сул орон тоог энд дарж үзнэ үү.

         Албан тушаалд тавигдах ерөнхий шаардлага:

• Монгол Улсын иргэн байх,
• Монгол хэлний ярианы болон бичгийн чадвартай байх, /Монгол хэл бичгийн дүрэм, үг зүй, найруулга зүйн зохих мэдлэгтэй/,
• Гэмт хэрэг үйлдэж, ял шийтгүүлж байгаагүй,
• Сэтгэцийн өвчин, эмгэггүй байх,
• Бүрэн дунд болон түүнээс дээш боловсролын зэрэгтэй байх,
• Хуулийн дагуу цэргийн жинхэнэ алба хаах үүрэг хүлээсэн иргэн үүргээ биелүүлсэн байх /цэргийн албыг биеэр хаасан болон оюутан цэрэг, дүйцүүлэн хаасан/,

         Албан тушаалд тавигдах тусгай шаардлага:

• Биеийн өндөр эр 170 см буюу түүнээс дээш, 30 хүртэл настай,
• Цагдаагийн алба хаагчийн сахилга, ёс зүйг сахиж, тогтвор суурьшилтай хариуцлагатай ажиллах,
• Нөхцөл байдлыг зөв үнэлж, шийдвэр гаргах, багаар ажиллах, иргэдтэй зөв боловсон харилцах ур чадвар эзэмшсэн байх, хувийн зохион байгуулалт сайтай, ажлын ачаалал даах чадвартай байх,
• Автомашины засвар үйлчилгээ, оношлогоо хийх /цагдаа жолооч/,
• 3-аас доошгүй жил тээврийн хэрэгсэл жолоодсон туршлагатай байх, жолооны В, С ангилалтай байх,

         Бүрдүүлэх баримт бичиг:

• Өргөдөл /татаж авч бөглөөд .pdf/
• Биеийн байцаалт (Төрийн албаны зөвлөлийн 2019 оны 05 дугаар тогтоолын 1-6 дугаар хавсралтаар баталсан “Төрийн албан хаагчийн анкет”-ын дагуу бүрэн бичсэн байх);
• Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах; /.pdf/
• Сурагчийн хувийн хэрэг; /.pdf/
• Иргэний үнэмлэх; /.pdf/
• 3 үеийн намтар/.pdf/;
• Оршин суугаа хаягийн тодорхойлолт/.pdf/;
• Цэргийн үүрэгтний үнэмлэх /.pdf/
• Эрүүл мэндийн асуумж /.pdf/
• Урьд нь ажил, хөдөлмөр эрхэлж байсныг гэрчлэх баримт /нийгмийн даатгалын дэвтэр, хөдөлмөрийн дэвтэр/-ийн эх хувь; албанаас чөлөөлөгдсөн бол тушаалын хувь; архивын лавлагаа/.pdf/,
• "4 х 6”-гийн хэмжээний цээж зураг; /.pdf/    

         Тайлбар:

      - Дээр дурдсан баримт бичгийг заавал нотариатаар баталгаажуулсан байхыг шаардахгүй бөгөөд баримт бичгийн үнэн зөвийг хүсэлт гаргасан иргэн өөрөө хариуцна.

       - Хэрвээ хуурамч, дутуу баримт бичиг бүрдүүлэн шалгалтад орж, албан тушаалд томилогдсон нь тогтоогдсон нөхцөлд үүнээс үүдэн гарах хариуцлагыг буруутай этгээд хүлээнэ.

       - Баримт бичгийн эх хувийг хуулбарлан зохих шаардлагад нийцүүлэн цахим хэлбэрээр, тогтоосон хугацаанд хүргүүлнэ.

       - Төрийн албан хаагчийн анкет, шалгалтад бүртгүүлэх тухай хүсэлтэд өөрийн гарын үсгээ зурсан байна.

       - Шалгалт зохион байгуулах комисс шаардлагатай гэж үзвэл нэмэлт материал шаардах эрхтэй болохыг анхаарна уу.

       - Биеийн ил харагдах хэсэгт болон 18-аас дээшгүй хувьд шивээс, нүүрэнд илэрхий сорви, мэс заслын оёдол болон гажиггүй байх,

     - Эрүүл мэндийн үзлэгийг Нийслэлд Төрийн тусгай албан хаагчдын нэгдсэн эмнэлэгт, орон нутагт харьяа Нэгдсэн эмнэлэгт хийлгэх,

      - Дээрх бүрдүүлбэрийн дэс дарааллын дагуу файлуудаа нэгтгэн (pdf, rar, zip) 1 файл болгон энэхүү зард заасан цахим шууданд ирүүлнэ үү.

           Шалгалтад орох иргэдийн хүсэлтийг хүлээн авах ба бүртгэх:

         Цагдаа, дотоодын цэргийн анги, байгууллагад шалгалтад оролцох иргэний хүсэлт, холбогдох баримт бичгийг 2021 оны 04 дүгээр сарын 02-ны өдрөөс 04 дүгээр сарын 28-ны өдрийн 17:00 цаг хүртэл hr.bzd@police.gov.mn, hr.bgd@police.gov.mn, hr.sbd@police.gov.mn, hr.khud@police.gov.mn, hr.skhd@police.gov.mn, hr.chd@police.gov.mn, hr.baganuur@police.gov.mn, hr.nalaikh@police.gov.mn, hr.Arkhangai@police.gov.mn, hr.Bayankhongor@police.gov.mn, hr.Bulgan@police.gov.mn, hr.Bayan-Ulgii@police.gov.mn, hr.Govi-Altai@police.gov.mn, hr.gobisumber@police.gov.mn, hr.Dornod@police.gov.mn,  hr.dornogobi@police.gov.mn, hr.Dundgobi@police.gov.mn, hr.Darkhan-Uul@police.gov.mn, hr.Zavkhan@police.gov.mn, hr.Orkhon@police.gov.mn, hr.Uvurkhangai@police.gov.mn, hr.Umnugobi@police.gov.mn, hr.Selenge@police.gov.mn,  hr.sukhbaatar@police.gov.mn, hr.Tuv@police.gov.mn, hr.Uvs@police.gov.mn, hr.Khovd@police.gov.mn, hr.Khentii@police.gov.mn, hr.Khuvsgul@police.gov.mn, hr.Dts805@police.gov.mn, hr.Dts05@police.gov.mn, hr.Avtobaaz@police.gov.mn, hr.MSHUT@police.gov.mn, hr.ttsa@police.gov.mn, hr.ekhg@police.gov.mn хаягаар цахимаар хүлээн авна.

          Шалгалтын хуваарь:

        Энэ оны 05 дугаар сарын 10-ны өдрийн 09.00 цагт тусгай бэлтгэл, бие бялдрын, 05 дугаар сарын 12, 13-ны өдрийн 09:00 цагаас ерөнхий мэдлэг, ур чадвар, ярилцлагын шалгалтыг материал хүлээн авч бүртгэсэн цагдаа, дотоодын цэргийн анги, байгууллага дээр зохион байгуулна.

(Уншиж судлах эрх зүйн баримт бичгийн жагсаалтыг энд дарж үзнэ үү.)

Анхаарах зүйл: Улсын онцгой комиссын шийдвэр, Эрүүл мэндийн яамны зөвлөмжийг мөрдөж /амны хаалт, нэг удаагийн бээлий, улавч гэх мэт/ хамгаалах хэрэгслийг авч ирнэ.

Шалгалт эхлэхээс 15-аас доошгүй минутын өмнө иргэний үнэмлэхтэйгээ ирж суудлаа эзэлсэн байна.

Шаардлагатай тохиолдолд 70191095, 70191043 дугаарын утсаар холбогдож тодруулах зүйлийг  лавлана уу.

ТӨРИЙН АЛБАНЫ ЗӨВЛӨЛИЙН

ЦАГДААГИЙН ЕРӨНХИЙ ГАЗАР ДЭРГЭДЭХ

САЛБАР ЗӨВЛӨЛ