“Цагдаа хотхон-Амгалан” орон сууцны цогцолбор хороолол 240 хүүхдийн цэцэрлэгтэй боллоо

“Цагдаагийн алба хаагч, ажилтны нийгмийн баталгааг хангах, эрүүл мэндийг хамгаалах хөтөлбөр”-ийн хүрээнд цагдаа, дотоодын цэргийн алба хаагчдыг орон сууцжуулах зорилгоор Цагдаагийн ерөнхий газрын даргын зөвлөлөөс Баянзүрх дүүргийн 10 дугаар хорооны нутаг дэвсгэр Хангалт, үйлчилгээний төвийн урд цагдаа, дотоодын цэргийн алба хаагчдын орон сууцны барилга болон 240 хүүхдийн цэцэрлэг барихаар шийдвэрлэсэн юм.

Цагдаагийн ерөнхий газрын даргын тушаалаар ажлын хэсэг байгуулагдан цэцэрлэгийн барилгын ажлыг 2020 оны 12 дугаар сард байнгын ашиглалтад хүлээлгэн өгч, хорооллын 4 дүгээр ээлжийн орон сууцны нээлттэй хамт өнөөдөр /2021.03.05/ нээлтээ хийлээ.

Хотхон дотор хүүхдийн цэцэрлэг барихаар төлөвлөж, барилгын ажлын санхүүжилтийг холбогдох газарт уламжлан, улсын төсвийн хөрөнгө оруулалтаар шийдвэрлүүлсэн. Баянзүрх дүүргийн 10 дугаар хороонд улсын нэг цэцэрлэгтэй тул хүрэлцээ муу байдаг. 

Хотхон дотроо цэцэрлэг барьснаар алба хаагчдын хүүхдүүд цэцэрлэгт хамрагдах боломжтой болж буй томоохон бүтээн байгуулалт юм.

Бусад мэдээ