Цагдаагийн ерөнхий газраас Хүний эрхийн үндэсний комисстой 2011 оноос эхлэн хамтран ажиллах “Санамж бичиг” байгуулан жил бүр тусгай төлөвлөгөөний дагуу хамтран ажиллаж байна. Энэхүү “Санамж бичиг”-ийн хүрээнд Цагдаагийн ерөнхий газрын удирдлагууд Монгол Улсын Хүний эрхийн Үндэсний Комиссын гишүүдтэй 2021 оны 02 дугаар сарын 24-ний өдөр Цагдаагийн ерөнхий газрын “Хурлын танхим”-д уулзалт зохион байгуулж, хүний эрхийн цаг үеийн асуудлаар мэдээлэл солилцлоо.

Дээрх уулзалтад Цагдаагийн ерөнхий газрын дарга, дотоодын цэргийн командлагч, цагдаагийн хурандаа Ж.Болд, Дэд дарга, цагдаагийн хурандаа Р.Отгонжаргал, Мөрдөн байцаах албаны дарга, цагдаагийн хурандаа Б.Батсуурь, Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Н.Лхагвасайхан, Хүний эрхийн үндэсний комиссын даргын үүргийг түр орлон гүйцэтгэгч, гишүүн Ж.Хунан, гишүүн Б.Энхболд нар оролцов.

Уулзалтаар цагдаагийн байгууллага, Хүний эрхийн үндэсний комиссын цаашдын хамтын ажиллагааны чиглэлээ тодорхойлж, хүний эрхийг хангах, хамгаалахтай холбоотой урт хугацаанд болон энэ жил хийж хэрэгжүүлэхээр төлөвлөсөн ажил, цар тахлын үед хүний эрхийг хангаж, хамгаалах асуудлаар санал солилцож, талууд цаашдын хамтын ажиллагаагаа үргэлжлүүлж, чанартай, үр дүнтэй ажиллахаа илэрхийлсэн юм.